2026年8月13日，泰方在班迭棉吉省奥斯马口岸附近分发土地

នៅថ្ងៃទី១៣ សីហា ២០២៦ អាជ្ញាធរថៃបានបែងចែកដីធ្លីជុំថ្មីមួយទៀតដល់ពលរដ្ឋថៃ នៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ស្ថិតនៅចន្លោះបង្គោលព្រំដែនលេខ៤៥ និង៤៧។ រាជរដ្ឋាភិបាលកម្ពុជា បានធ្វើការតវ៉ាជាផ្លូវការចំពោះសកម្មភាពនេះ ដោយចាត់ទុកថាជាការបំពានលើអធិបតេយ្យ និងបូរណភាពទឹកដីកម្ពុជា ព្រមទាំងជាការប៉ុនប៉ងធ្វើឱ្យស្របច្បាប់នូវការកាន់កាប់ដែលកម្ពុជាចាត់ទុកថាខុសច្បាប់។ កម្ពុជាបញ្ជាក់ថា សកម្មភាពនេះក៏ប៉ះពាល់ដល់ដំណើរការកំណត់ខណ្ឌសីមាព្រំដែនតាមរយៈគណៈកម្មការចម្រុះខណ្ឌសីមាព្រំដែន (JBC) និងរំលោភលើកិច្ចព្រមព្រៀង និងយន្តការទ្វេភាគីពាក់ព័ន្ធ។ ​ កម្ពុជាជំរុញឱ្យថៃបញ្ឈប់សកម្មភាពនៅតំបន់ខាងលើ និងតំបន់ផ្សេងទៀតដែលកម្ពុជាចាត់ទុកថាត្រូវបានកាន់កាប់ដោយខុសច្បាប់ ដើម្បីបន្ធូរបន្ថយភាពតានតឹង កសាងទំនុកចិត្ត និងសម្រួលដល់ការដោះស្រាយបញ្ហាព្រំដែនដោយសន្តិវិធី។ កម្ពុជាបន្តប្រកាន់ខ្ជាប់នូវការដោះស្រាយជម្លោះព្រំដែនដោយសន្តិវិធី ស្របតាមច្បាប់អន្តរជាតិ និងកិច្ចព្រមព្រៀងទ្វេភាគី ព្រមទាំងគោលការណ៍ថា "ព្រំដែនអន្តរជាតិមិនត្រូវផ្លាស់ប្តូរដោយកម្លាំងឡើយ"។ [**Join AMS One-minute**](https://t.me/ams1minute)