卫生部召开传统医学研究中心月度会议 部署下阶段工作

កិច្ចប្រជុំប្រចាំខែតុលា ស្តីពីវឌ្ឍនភាព និងការលើកទិសដៅបន្តរបស់មជ្ឈមណ្ឌលជាតិស្រាវជ្រាវវេជ្ជសាស្ត្របុរាណ។ —— រាជធានីភ្នំពេញ៖ រសៀលថ្ងៃចន្ទ ទី៣០ ខែតុលា ឆ្នាំ២០២៦ នៅមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ ឯកឧត្តមវេជ្ជបណ្ឌិត នាង ភារិទ្ធ រដ្ឋលេខាធិការក្រសួងសុខាភិបាល លោកឱសថការី ហ៊ុន ហួង អគ្គនាយករងបច្ចេកទេសសុខាភិបាល និងលោកបណ្ឌិត ឈាង រ៉េត ជំនួយការក្រសួងសុខាភិបាល បានដឹកនាំកិច្ចប្រជុំស្តីពីវឌ្ឍនភាព និងការលើកទិសដៅបន្តរបស់មជ្ឈមណ្ឌលជាតិស្រាវជ្រាវវេជ្ជសាស្ត្របុរាណដើម្បីតាមដាន និងជំរុញការងារឱ្យកាន់តែមានប្រសិទ្ធភាពបន្ថែមទៀត។ គោលបំណងសំខាន់ៗ នៃកិច្ចប្រជុំ រួមមាន៖ ១. ការពិនិត្យលើវឌ្ឍនភាពការងារកន្លងមក និងលើកទិសដៅបន្តសកម្មភាពការងារ ២. បញ្ហាប្រឈម និងសំណូមពរនានា។ ក្រោយពីកិច្ចប្រជុំពិភាក្សា អង្គប្រជុំបានឯកភាព និងសម្រេចដូចតទៅ៖ ១. ពន្លឿនក្រុមការងារ ដើម្បីបញ្ចប់ការធ្វើផែនការសកម្មភាពសម្រាប់មជ្ឈមណ្ឌលជាតិ ឱ្យបានត្រឹមខែវិច្ឆិកា ឆ្នាំ២០២៦នេះ ២. ធ្វើរបាយការណ៍វឌ្ឍនភាពការងារពាក់ព័ន្ធនឹងការបន្តសុពលភាព MoU ជាមួយក្រសួងបរិស្ថាន ក្នុងការខ្ចីដីប្រើប្រាស់នៅសួនរុក្ខជាតិឱសថគិរីរម្យ ៣. បន្តសាមគ្គីភាព ដើម្បីឱ្យមជ្ឈមណ្ឌលកាន់តែរីកចម្រើន ៤. ចាប់ផ្តើមរៀបចំផែនការ សម្រាប់សួនរុក្ខជាតិឱសថគិរីរម្យបន្ទាប់ពីមានការសង់ និងជួសជុលរួចរាល់ កិច្ចប្រជុំនេះមានការអញ្ជើញចូលរួមពី ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យានៃមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)