金边警方展示打击网诈成果 缴获AI摄像头及伪基站

លោក ប៊ុន សុសុក្ខា បង្ហាញឧបករណ៍ដែលក្រុម Online Scams ប្រព្រឹត្តបទល្មើស លោក ប៊ុន សុសិក្ខា ស្នងការរងរាជធានីភ្នំពេញទទួលផែនការងារសន្តិសុខ បានធ្វើបទបង្ហាញពីភស្តុតាង ដែលរឹបអូសបានពីក្រុមឆបោកតាមប្រព័ន្ធបច្ចេកវិទ្យា(Online Scams)។ វត្ថុតាងទាំងនេះ ត្រូវបានរក្សាទុកនៅស្នងការដ្ឋាននគរបាលរាជធានីភ្នំពេញ រួមមានកាំម៉េរ៉ា AI, ឧបករណ៍ BTS (Fake Base Transceiver Station – Fake BTS), ស៊ីមកាត និងឯកសណ្ឋានក្លែងបន្លំជាសមត្ថកិច្ចនគរបាលជាដើម។ តាមរបាយការណ៍ ក្នុងរយៈពេលមួយឆ្នាំនៃការបង្ក្រាប Online Scams សមត្ថកិច្ចភ្នំពេញ បានរឹបអូសទូរស័ព្ទប្រមាណ២ម៉ឺនគ្រឿង កុំព្យូទ័រប្រមាណ៥០០គ្រឿង ព្រមទាំងវត្ថុតាងជាច្រើនទៀត។ ក្នុងរយះពេលដូចគ្នាសមត្ថកិច្ចបង្ក្រាបការឆបោកអនឡាញបានជាង១៨៤ករណី ហើយបង្កកទ្រព្យសម្បត្តិជាង៨០ម៉ឺនដុល្លារ។ ដោយ៖ ឡាយ សុភាវតី