国家统计局招聘专业统计人才 需具备数据分析能力

ឯកឧត្តម រិន វីរៈ គូសបញ្ជាក់ពីសារៈសំខាន់នៃទិន្នន័យស្ថិតិ និងការជ្រើសរើសមន្ត្រីជំនាញច្បាស់លាស់ យកទៅបម្រើការងារភ្លាមៗនៅវិទ្យាស្ថានជាតិស្ថិតិ ឯកឧត្តម រិន វីរៈ បានសម្តែងការសង្ឃឹមយ៉ាងមុតមាំ ចំពោះលទ្ធផលនៃការប្រឡងប្រជែងនេះ ដោយបញ្ជាក់ថា ការរើសមន្ត្រីនាពេលនេះ មិនមែនយកទៅបណ្តុះបណ្តាលបន្ថែមនោះទេ គឺជ្រើសរើសយកបុគ្គលដែលមានសមត្ថភាព និងជំនាញស្រាប់ ដើម្បីយកទៅជួយកិច្ចការងាររបស់វិទ្យាស្ថានភ្លាមៗតែម្តង។ ការងារស្ថិតិគឺជាជំនាញឯកទេសដ៏ជ្រាលជ្រៅ ដែលពិបាកស្វែងរកធនធានមនុស្សណាស់។ មន្ត្រីដែលប្រឡងជាប់នាពេលនេះ នឹងត្រូវចូលខ្លួនទៅជួយទាញយករបាយការណ៍ ធ្វើការវិភាគទិន្នន័យ និងសរសេររបាយការណ៍កម្រិតស៊ីជម្រៅ។ ការងារស្ថិតិមានសារៈសំខាន់ណាស់នៅលើពិភពលោក ព្រោះរាល់ការរៀបចំគោលនយោបាយ ការរៀបចំផែនការ និងការសម្រេចចិត្តណាមួយ គឺដាច់ខាតត្រូវផ្អែកលើទិន្នន័យស្ថិតិច្បាស់លាស់។ សូមទស្សនាវីដេអូបទសម្ភាសទាំងស្រុងរបស់ឯកឧត្តម រិន វីរៈ រដ្ឋលេខាធិការក្រសួងផែនការ និងជាប្រធានក្រុមប្រឹក្សាភិបាលនៃវិទ្យាស្ថានជាតិស្ថិតិ បានពន្យល់បកស្រាយអំពីភាពចាំបាច់ ដើម្បីយល់ដឹងកាន់តែស៊ីជម្រៅអំពីគុណតម្លៃនៃវិស័យស្ថិតិ និងលក្ខណៈពិសេស នៃការជ្រើសរើសធនធានមនុស្សសម្រាប់វិស័យស្ថិតិជាតិ។