柬埔寨独立70周年 青年联合会发文 高棉产品展同步

មរតកឯករាជ្យ ជាមូលដ្ឋាននៃការកសាងអនាគតជាតិ 🇰🇭 ជាងប្រាំពីរទសវត្សរ៍កន្លងមកហើយ ដែលកម្ពុជាទទួលបានឯករាជ្យពេញលេញ ក្រោមព្រះរាជបូជនីយកិច្ចរបស់ព្រះករុណា ព្រះបាទសម្ដេច ព្រះនរោត្តម សីហនុ ព្រះវររាជបិតាជាតិខ្មែរ។ ព្រះអង្គបានលះបង់ព្រះកាយពល ព្រះបញ្ញាញាណ ដើម្បីបុព្វហេតុឯករាជ្យជាតិ នាំកម្ពុជាឱ្យរួចផុតពីនឹមអាណានិគម។ ឯករាជ្យជាតិមានអត្ថន័យជាការធ្វើជាម្ចាស់ជោគវាសនាខ្លួនឯងសិទ្ធិឱ្យយើងសម្រេចអនាគតរបស់ខ្លួន។ តាមរយៈឯករាជ្យជាតិនេះ កម្ពុជាបានបង្កើតជាមូលដ្ឋាននៃការកសាងចំណេះដឹង និងជំនាញ ការអភិវឌ្ឍវិទ្យាសាស្ត្រ និងបច្ចេកវិទ្យា ការបន្តថែរក្សា និងច្នៃប្រឌិតសម្បត្តិវប្បធម៌ ព្រមទាំងការពង្រឹងសេដ្ឋកិច្ចជាតិ។ ជាមួយគ្នានេះ បទពិសោធដែលកម្ពុជាបានឆ្លងកាត់នាពេលថ្មីៗនេះ កាន់តែរំឭកយើងថា សាមគ្គីភាព និងសមត្ថភាពដែលយើងកសាងទុកជាមុន មានតម្លៃជាពិសេសនៅពេលជាតិប្រឈមនឹងឧបសគ្គ។ ពិព័រណ៍ផលិតផលខ្មែរ ឆ្នាំ២០២៦ ដែលនឹងបញ្ចប់មួយថ្ងៃមុនខួបលើកទី៧៣ នៃទិវាបុណ្យឯករាជ្យជាតិ ក៏ជាឱកាសរំឭកដោយកតញ្ញុតាធម៌ចំពោះព្រះរាជគុណូបការៈដ៏ឧត្តុង្គឧត្តមរបស់ព្រះវររាជបិតាឯករាជ្យជាតិ។ ព្រះរាជបូជនីយកិច្ចនោះ បានបន្សល់ទុកទាំងមរតកឯករាជ្យ និងភារកិច្ចសម្រាប់កូនខ្មែរគ្រប់ជំនាន់ ឱ្យរួបរួមគ្នាថែរក្សាអធិបតេយ្យភាព ឱ្យតម្លៃលើអត្តសញ្ញាណ និងស្នាដៃជាតិ ព្រមទាំងខិតខំបំពេញភារកិច្ចរៀងៗខ្លួនដោយការទទួលខុសត្រូវ ដើម្បីចូលរួមការពារ និងអភិវឌ្ឍប្រទេសជាតិឱ្យកាន់តែរីកចម្រើន។ #ទិវាបុណ្យឯករាជ្យជាតិ #ខ្មែរធ្វើបាន #ពិព័រណ៍ផលិតផលខ្មែរ #គាំទ្រផលិតផលខ្មែរ