腊塔纳基里省议员亨万通逝世 享年75岁

ឯកឧត្តម ញ៉ែម សំអឿន ប្រធានសហភាពសហព័ន្ធយុវជនកម្ពុជា ខេត្តរតនគិរី អញ្ជើញគោរពវិញ្ញាណក្ខន្ធសពឯកឧត្តម ហែម វណ្ណថន សមាជិកក្រុមប្រឹក្សាខេត្តរតនគិរី នាព្រឹកថ្ងៃទី២៨ ខែមេសា ឆ្នាំ២០២៦ ឯកឧត្តម ញ៉ែម សំអឿន ប្រធានសហភាពសហព័ន្ធយុវជនកម្ពុជា ខេត្តរតនគិរី បាននាំយកបច្ច័យចំនួន ៣លាន ប្រាំបួនម៉ឺនរៀល និង១០០$ ចូលរួមគោរពវិញ្ញាណក្ខន្ធ ព្រមទាំងសាររំលែកមរណៈទុក្ខជូនចំពោះគ្រួសារ នៃសពឯកឧត្តម ហែម វណ្ណថន សមាជិកក្រុមប្រឹក្សាខេត្តរតនគិរី។ ក្នុងបរិយាកាសដ៏សែនក្រៀមក្រំនេះដែរ ឯកឧត្តម ញ៉ែម សំអឿន ប្រធានសហភាពសហព័ន្ធយុវជនកម្ពុជា ខេត្តរតនគិរី និងសមាជិក សមាជិកា សហភាពសហព័ន្ធយុវជនកម្ពុជា ក្នុងខេត្តរតនគិរីទាំងអស់ សូមសំដែងនូវមនោសញ្ចេតនាគោរពចងចាំជានិច្ចនូវគុណបំណាច់ដ៏ថ្លៃថ្លារបស់ ឯកឧត្តម ហែម វណ្ណថន ចំពោះ គណបក្ស និងប្រទេសជាតិ និងសូមដួងវិញ្ញាណក្ខន្ធ ឯកឧត្តម បានបដិសន្ធិក្នុងសុគតិភពកុំបីឃ្លៀងឃ្លាតឡើយ។ សូមជម្រាបជូនថា ឯកឧត្តម ហែម វណ្ណថន សមាជិកក្រុមប្រឹក្សាខេត្តរតនគិរី បានទទួលមរណៈភាពកាលពីថ្ងៃ អាទិត្យ ១០កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៦ ខែមេសា ឆ្នាំ២០២៦ ក្នុងជន្មាយុ ៧៥ឆ្នាំ វេលាម៉ោង ៨:២៩នាទីព្រឹក ដោយរោគាពាធ។ សពឯកឧត្តម បានតម្កល់ធ្វើបុណ្យទក្ខិណានុប្បទាន នៅគេហដ្ឋាន ស្ថិតនៅភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី៕