世界银行批3亿美元贷款 助力柬埔寨物流与交通连接

ធនាគារពិភពលោកអនុម័តថវិកា ៣០០លានដុល្លារ ដើម្បីជួយពង្រឹងការតភ្ជាប់ផ្លូវដឹកជញ្ជូន និងឡូហ្ស៊ីស្ទិកកម្ពុជា ភ្នំពេញ៖ ការខ្វះខាតបណ្តាញដឹកជញ្ជូន និងសមត្ថភាពឡូហ្ស៊ីស្ទិកដែលមានភាពធន់ នៅតែជាបញ្ហាសំខាន់រារាំងការធ្វើពាណិជ្ជកម្ម និងការតភ្ជាប់តំបន់នៅកម្ពុជា។ ដើម្បីដោះស្រាយបញ្ហានេះ ក្រុមប្រឹក្សានាយកប្រតិបត្តិធនាគារពិភពលោក បានអនុម័តកម្មវិធីកែលម្អការតភ្ជាប់តំបន់ (CRCI) ក្នុងទម្រង់អភិក្រមពហុដំណាក់កាល (MPA) ដែលមានថវិកាសរុប ៣០០លានដុល្លារអាមេរិក ពីសមាគមអភិវឌ្ឍន៍អន្តរជាតិ។ ដំណាក់កាលទី១ មានថវិកា ១៨០លានដុល្លារ នឹងផ្តោតលើការកែលម្អផ្លូវដឹកជញ្ជូនឲ្យមានភាពធន់ តាមបណ្តោយផ្លូវ Asian Highway 21 (AH21) និងពង្រឹងសមត្ថភាពគ្រប់គ្រងឡូហ្ស៊ីស្ទិកជាតិ។ គម្រោងនេះរំពឹងថានឹងផ្តល់អត្ថប្រយោជន៍ដល់ប្រជាពលរដ្ឋជាង ១.៦ លាននាក់ រួមទាំងអ្នកប្រើប្រាស់ផ្លូវ និងសហគមន៍នៅតាមបណ្តោយផ្លូវ។ តាមរយៈការកែលម្អហេដ្ឋារចនាសម្ព័ន្ធ និងប្រព័ន្ធឡូហ្ស៊ីស្ទិក កម្មវិធីនេះមានគោលបំណងបង្កើតការងារ ពង្រីកឱកាសចូលដំណើរការទីផ្សារ និងជំរុញការវិនិយោគឯកជន ក្នុងវិស័យដូចជា កសិឧស្សាហកម្ម សេវាកម្មដឹកជញ្ជូន និងទេសចរណ៍៕