洪玛奈总理持续资助椰子学校 捐赠物资已送达

អំណោយជាថវិកា និងអង្ករ ដែលសម្ដេចបវរធិបតី នាយករដ្ឋមន្ត្រី បានសន្យាផ្ដល់ជូនសាលាដូងជាប្រចាំខែ ត្រូវបានផ្ដល់ជូនដល់ លោក អ៊ុក វណ្ណដេ នាយកសាលាដូង រួចរាល់ តាមរយះបណ្តាញសង្គមផ្លូវការសម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា នារសៀលថ្ងៃទី ៧ ខែកញ្ញា ឆ្នាំ២០២៦នេះ បានឱ្យដឹងថា "អំណោយជាថវិកា និងអង្ករ ដែលសម្ដេចបវរធិបតី នាយករដ្ឋមន្ត្រី បានសន្យាផ្ដល់ជូនសាលាដូង ជាប្រចាំខែ ត្រូវបានផ្ដល់ជូនដល់ លោក អ៊ុក វណ្ណដេ នាយកសាលាដូង រួចរាល់ ដើម្បីបម្រើឱ្យតម្រូវការប្រើប្រាស់ប្រចាំថ្ងៃរបស់សាលាដូង"។ ក្នុងឱកាសនោះដែរ, លោក អ៊ុក វណ្ណដេ នាយកសាលាដូង បានថ្លែងអំណរគុណចំពោះ សម្ដេចបវរធិបតី នាយករដ្ឋមន្ត្រី ដែលបានយកចិត្តទុកដាក់ខ្ពស់ និងបានផ្ដល់នូវការធានានិរន្តរភាពរបស់សាលាដូង និងបានប្ដេជ្ញាបន្តបណ្ដុះបណ្ដាលធនធានមនុស្សសម្រាប់សហគមន៍នៅភ្នំគិរីរម្យឱ្យបានល្អប្រសើរ ។ សូមជម្រាបថា ការជួយឧបត្ថម្ភប្រចាំនេះ គឺជាការយកចិត្តទុកដាក់ខ្ពស់ចំពោះសាលាដូង ដែលបានចូលរួមចំណែកយ៉ាងសំខាន់ក្នុងការជួយកសាងធនធានមនុស្សសម្រាប់សហគមន៍ ក៏ដូចជាសង្គមកម្ពុជាទាំងមូល ៕ អត្ថបទ៖ ហ៊ន សុភ័ក្រ