Mr.8 Gaming店主因在网络发布侮辱军人言论，被金边警

ម្ចាស់ផេក Mr.8 Gaming ត្រូវបានបញ្ជូនទៅសាលាដំបូងរាជធានីភ្នំពេញ ក្រោយរងការចោទប្រកាន់ពីការជេរប្រមាថយោធិន ស្ត្រីឈ្មោះ ចិន្តា សុវណ្ណារី ដែលត្រូវបានរាយការណ៍ថា ជាម្ចាស់ផេក Mr.8 Gaming លក់ទូរស័ព្ទដៃ និងពាក់ព័ន្ធនឹងការបង្ហោះសារជេរប្រមាថយោធិន ត្រូវបានកម្លាំងសមត្ថកិច្ចព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ បញ្ជូនទៅសាលាដំបូងរាជធានីភ្នំពេញ នៅថ្ងៃទី១៤ ខែសីហា ឆ្នាំ២០២៦។ លោក ឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានបញ្ជាក់ថា ករណីម្ចាស់ហាងលក់ទូរស័ព្ទដៃខាងលើ កំពុងស្ថិតក្នុងនីតិវិធីរបស់អយ្យការអមសាលាដំបូងរាជធានីភ្នំពេញ។ ការបញ្ជូនខ្លួននេះ ធ្វើឡើងបន្ទាប់ពីមានការចាប់អារម្មណ៍ និងរិះគន់លើខ្លឹមសារដែលត្រូវបានផ្សព្វផ្សាយតាមបណ្តាញសង្គម ពាក់ព័ន្ធនឹងការជេរប្រមាថយោធិន ដែលត្រូវបានគេចាត់ទុកថា អាចប៉ះពាល់ដល់ទឹកចិត្ត និងកិត្តិយសរបស់កងទ័ព។ យ៉ាងណាក៏ដោយ ករណីនេះកំពុងស្ថិតក្នុងនីតិវិធីច្បាប់ ហើយការសម្រេចយ៉ាងណានោះ អាស្រ័យលើការអនុវត្តនីតិវិធីរបស់ស្ថាប័នតុលាការ៕