提夫·达拉里特获任旅游部亲善大使

លោក ទីវ តារារិទ្ធិ ត្រូវបានតែងតាំងជាផ្លូវការជាអង្គទូតសុច្ឆន្ទៈក្រសួងទេសចរណ៍ អាណត្តិ ២០២៦-២០២៧ ភ្នំពេញ៖ បន្ទាប់ពីបានបញ្ចប់បេសកកម្មជិះកង់សប្បុរសធម៌ឆ្លងកាត់ទ្វីប នានាអស់រយៈពេល ២ ឆ្នាំមក លោក រិទ្ធិ ត្រូវបានតែងតាំងជាផ្លូវការជា «អង្គទូតសុច្ឆន្ទៈប្រចាំក្រសួងទេសចរណ៍» នៃព្រះរាជាណាចក្រកម្ពុជា សម្រាប់អាណត្តិឆ្នាំ ២០២៦-២០២៧។ ក្នុងជំពូកថ្មីនៃបេសកកម្មនេះ លោក រិទ្ធិ បានបញ្ជាក់ថា លោកនឹងផ្តោតសំខាន់លើ ការបន្តផ្សព្វផ្សាយពីសម្រស់ធម្មជាតិ វប្បធម៌ដ៏សម្បូរបែប សហគមន៍មូលដ្ឋាន ព្រមទាំងរឿងរ៉ាវល្អៗជាច្រើនរបស់ប្រទេសកម្ពុជាដែលពិភពលោកមិនទាន់បានស្គាល់ច្បាស់ ទៅកាន់ឆាកអន្តរជាតិ។ ជាមួយគ្នានេះដែរ លោកក៏បានសម្តែងនូវការដឹងគុណ យ៉ាងជ្រាលជ្រៅចំពោះអ្នកគាំទ្រទាំងអស់ ដែលតែងតែផ្តល់កម្លាំងចិត្ត និងជួយជ្រោមជ្រែងរូបលោកនាពេលកន្លងមក ដែលជាផ្នែកមួយយ៉ាងសំខាន់ក្នុងការជំរុញឱ្យបេសកកម្មសប្បុរសធម៌ និងការងារកន្លងមកទទួលបានជោគជ័យយ៉ាងត្រចះត្រចង់៕ 🌐[www.troryorng.com](https://troryorng.com/) 👉[JOIN US](http://t.me/troryorngmedia) —— Page [Troryorng News](https://www.facebook.com/TroryorngOfficial) Page [Troryorng TV](https://www.facebook.com/Yuvavey) Page [Troryorng សង្គម](https://www.facebook.com/troryorng.entertainment) Page [Troryorng Spots](https://www.facebook.com/troryorngsports)