干拉省巴农县宪兵查获一起非法运输超过20吨蛤蜊案件，涉案人员

កម្លាំងកងរាវុធហត្ថស្រុកបាភ្នំ បង្ក្រាបករណីដឹកជញ្ជូនលៀសខុសច្បាប់ជាង២០តោន! ​(ខេត្តព្រៃវែង)៖ កម្លាំងកងរាជអាវុធហត្ថស្រុកបាភ្នំ បានចុះបង្ក្រាប និងឃាត់ខ្លួនបុរសម្នាក់ ពាក់ព័ន្ធករណីដឹកជញ្ជូនកូនលៀសពីធម្មជាតិដោយគ្មានលិខិតអនុញ្ញាត។ ប្រតិបត្តិការនេះបានធ្វើឡើងកាលពីថ្ងៃទី១១ ខែកញ្ញា ឆ្នាំ២០២៦ នៅចំណុចបឹងខ្សាច់សរ ក្នុងភូមិខ្សាច់សរ ឃុំរក្សជ័យ ស្រុកបាភ្នំ ខេត្តព្រៃវែង។ ​យោងតាមរបាយការណ៍ ក្រោមការដឹកនាំរបស់លោកវរសេនីយ៍ត្រី ជ័យ សឿង ប្រធានមន្ទីរស្រាវជ្រាវ ព័ត៌មាន សន្តិសុខ កម្លាំងចម្រុះរួមមានកម្លាំងមន្ទីរស្រាវជ្រាវព័ត៌មានសន្តិសុខ និងកម្លាំងមូលដ្ឋាន អ.ហ ស្រុកបាភ្នំ ចំនួន០៨នាក់ ដោយប្រើប្រាស់រថយន្ត០២គ្រឿង បានចុះអន្តរាគមន៍ និងបង្ក្រាបបទល្មើសខាងលើ។ ​ជាលទ្ធផល កម្លាំងសមត្ថកិច្ចបានឃាត់ខ្លួនជនសង្ស័យម្នាក់ឈ្មោះ ប៉ុម ចំរើន ភេទប្រុស អាយុ ២៨ឆ្នាំ មុខរបរបើកបរ មានស្រុកកំណើតនៅភូមិសូចាន់ ឃុំរកាក្រៅ ក្រុងដូនកែវ ខេត្តតាកែវ។ ជាមួយគ្នានេះ សមត្ថកិច្ចក៏បានចាប់យកវត្ថុតាង រួមមាន៖ ​រថយន្ត ១គ្រឿង ម៉ាកហ្វុយសូ ពណ៌ស លាយខៀវ ស្លាកលេខ ព្រះសីហនុ 3A.6390 ​លៀសចំនួន ២៤០ការ៉ុង ទម្ងន់សរុបប្រមាណ ២១,០០០ គីឡូក្រាម ​ទូរស័ព្ទដៃម៉ាក Infinix ចំនួន ១គ្រឿង ​ប័ណ្ណបើកបរប្រភេទ(ខ)ថតចម្លង ចំនួន ១សន្លឹក។ ​បច្ចុប្បន្ន ជនសង្ស័យ រួមទាំងវត្ថុតាងទាំងអស់ ត្រូវបានសមត្ថកិច្ចប្រគល់ជូនជំនាញជលផលខេត្ត ដើម្បីបន្តនីតិវិធីច្បាប់។ សូមបញ្ជាក់ថាសកម្មភាពនេះគឺវាប៉ះពាល់ធ្ងន់ធ្ងរ បំផ្លាញជីវៈចម្រុះ និងប្រព័ន្ធអេកូឡូស៊ីដែលច្បាប់ត្រូវបានហាមឃាត់៕