洪玛尼代表与赴华留学生座谈 助力中柬教育人才交流

នាព្រឹកថ្ងៃទី ២០ ខែសីហា ឆ្នាំ២០២៦ ឯកឧត្តម សុខ សប្បាយណា សមាជិកគណៈអចិន្ត្រៃយ៍គណៈកម្មាធិការកណ្តាល ស.ស.យ.ក. តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ព្រមទាំងសហការី បានជួបសំណេះសំណាលជាមួយនិស្សិតជ័យលាភីអាហារូបករណ៍រដ្ឋាភិបាលនៃសាធារណរដ្ឋប្រជាមានិតចិន ឆ្នាំ២០២៦ តាមរយៈ ស.ស.យ.ក. ដែលបានចូលជួបសម្តែងការគួរសម ដើម្បីទទួលការណែនាំតម្រង់ទិស និងការចែករំលែកបទពិសោធមុនចេញទៅបន្តការសិក្សានៅប្រទេសចិននាពេលខាងមុខ នៅអគារ The Kampus។ ក្នុងឱកាសនោះ ឯកឧត្តម សុខ សប្បាយណា បានពាំនាំនូវការផ្តាំផ្ញើសាកសួរសុខទុក្ខ និងការអបអរសាទរពីសំណាក់ ឯកឧត្តម ហ៊ុន ម៉ានី ជូនចំពោះនិស្សិតជ័យលាភីទាំងអស់ ដែលបានខិតខំប្រឹងប្រែងរហូតទទួលបានលទ្ធផលនាពេលនេះ។ ទន្ទឹមនឹងនេះ ឯកឧត្តមក៏បានគូសបញ្ជាក់ពីប្រវត្តិនៃទំនាក់ទំនងកម្ពុជា-ចិនជារួម និងដោយឡែករវាង ស.ស.យ.ក. និងសហព័ន្ធយុវជនទូទាំងប្រទេសចិន ជុំវិញការពង្រឹងកិច្ចសហប្រតិបត្តិការរួមគ្នា ក្នុងការផ្សារភ្ជាប់ទំនាក់ទំនងរវាងប្រជាជន និងយុវជនកម្ពុជា-ចិន ជាពិសេសការផ្តល់អាហារូបករណ៍ដល់និស្សិតកម្ពុជា។ បន្ថែមពីនេះ ឯកឧត្តម ក៏បានបង្ហាញសុទិដ្ឋិនិយមខ្ពស់ចំពោះសមត្ថភាព និងសក្តានុពលរបស់ប្អូនៗ ក្នុងការប្រើប្រាស់ឱកាសអាហារូបករណ៍នេះដើម្បីរៀនសូត្រ អភិវឌ្ឍខ្លួន និងនាំយកចំណេះជំនាញត្រឡប់មកចូលរួមអភិវឌ្ឍប្រទេសជាតិឱ្យកាន់តែរីកចម្រើន ក្រោមស្មារតី និងបុព្វហេតុរួបរួមគ្នា។ ឯកឧត្តមបានបន្តថា ភាពជោគជ័យរបស់និស្សិតគ្រប់រូបនាពេលនេះ មិនត្រឹមតែជាជោគជ័យផ្ទាល់ខ្លួន និងក្រុមគ្រួសារប៉ុណ្ណោះទេ ប៉ុន្តែក៏ជាជោគជ័យដ៏ធំធេងសម្រាប់សង្គមជាតិទាំងមូលផងដែរ។ ជាចុងក្រោយ ឯកឧត្តម សុខ សប្បាយណា បានជូនពរដល់ប្អូនៗនិស្សិតជ័យលាភីទាំងអស់ ឱ្យទទួលបានជោគជ័យលើការសិក្សា និងមានសុវត្ថិភាពក្នុងការធ្វើដំណើរគ្រប់ៗគ្នា។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក. **🌐 [**uyfc.org**](https://www.uyfc.org/)** **📱 [**Facebook**](https://www.facebook.com/uyfccambodia)** **📱 [**YouTube**](https://www.youtube.com/@unionofyouthfederationcambodia)** **📱 [**Telegram**](https://t.me/uyfc_news)** **📱** **[**TikTok**](https://www.tiktok.com/@uyfccambodia?_t=8fUJ9WcjHX8)