柬埔寨东北部四省投资计划获批 吸引27亿美元资金

សម្តេច ហ៊ុន ម៉ាណែត បានបញ្ជាក់ថា ក្រោម «កម្មវិធីពិសេសជំរុញការវិនិយោគក្នុងខេត្តទាំង ៤ នៅភូមិភាគឦសាន ឆ្នាំ២០២៥-២០២៨» កម្ពុជា ទទួលបានគម្រោងវិនិយោគសរុប ៧២គម្រោង គិតត្រឹមថ្ងៃទី៧ សីហា ២០២៦ ក្នុងនោះ ៥៧គម្រោងបានឆ្លងការពិនិត្យ និងបន្តនីតិវិធី ជាមួយទុនវិនិយោគសរុបប្រមាណ ២.៧ពាន់លានដុល្លារ អាចបង្កើតការងារជិត ៨ម៉ឺនកន្លែង សម្រាប់ប្រជាពលរដ្ឋ។ កម្មវិធីពិសេសនេះ ត្រូវបានដាក់ឱ្យអនុវត្តនៅថ្ងៃទី៩ មេសា ២០២៥ ដោយមានគោលដៅប្រែក្លាយខេត្តក្រចេះ ស្ទឹងត្រែង រតនគិរី និងមណ្ឌលគិរី ទៅជាប៉ូលសេដ្ឋកិច្ចថ្មី តាមរយៈការជំរុញកសិកម្ម កសិឧស្សាហកម្ម ទេសចរណ៍ និងការទាក់ទាញវិនិយោគឯកជន។ សម្រាប់ខេត្តក្រចេះ មានគម្រោងចំនួន ១៩ ក្នុងនោះ ១៤ គម្រោងបានឆ្លងការពិនិត្យ និងបន្តនីតិវិធី ដែលមានទុនសរុបប្រមាណ ១.១ពាន់លានដុល្លារ និងគ្រោងបង្កើតការងារជាង ២ ៦០០កន្លែង។ សម្តេចធិបតីក៏បានបង្ហើបថា ខេត្តក្រចេះនឹងមាន ផែពហុបំណងនៅស្រុកព្រែកប្រសព្វ នាពេលខាងមុខ ដើម្បីគាំទ្រការដឹកជញ្ជូនតាមផ្លូវទឹក និងពង្រឹងការតភ្ជាប់ពាណិជ្ជកម្ម។ រាជរដ្ឋាភិបាលក៏បានដាក់ចេញវិធានការគាំទ្រផ្នែកពន្ធដារ និងពន្ធគយ ហិរញ្ញប្បទាន និងការសម្រួលនីតិវិធី ដើម្បីកាត់បន្ថយថ្លៃដើម និងបង្កើនភាពទាក់ទាញនៃការវិនិយោគនៅភាគឦសាន។ [**Join AMS One-minute**](https://t.me/ams1minute)