柬埔寨10天内发生55起交通事故致33死 另有26起火灾

**រយៈពេល១០ថ្ងៃ!មនុស្ស៣៣នាក់បានស្លាប់ដោយ គ្រោះថ្នាក់ចរាចរណ៍ ខណៈគ្រោះអគ្គិភ័យបានកើត ឡើងចំនួន២៦ករណី **============= ក្នុងរយៈពេល ១០ថ្ងៃ គិតចាប់ពីថ្ងៃទី១១ រហូតដល់ថ្ងៃទី​២០ ខែឧសភា ឆ្នាំ២០២៦ គ្រោះថ្នាក់ចរាចរណ៍ បានកើត​ឡើងចំនួន៥៥ករណី បណ្តាលឱ្យមានមនុស្សស្លាប់​៣៣នាក់ និង៩៥នាក់ផ្សេងទៀតរងរបួសធ្ងន់ស្រាល។ គ្រោះថ្នាក់ចរាចរណ៍ខាងលើនេះ គឺកើតឡើងនៅរាជធានី​ភ្នំពេញ ខេត្តកណ្តាល តាកែវ កំពង់ស្ពឺ ព្រះសីហនុ កំពត កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ កំពង់ចាម ត្បូងឃ្មុំ ក្រចេះ ស្ទឹងត្រែង រតនគិរី និងខេត្តស្វាយរៀង។ នេះបើយោងតាមរបាយ​ការណ៍ក្រសួងមហាផ្ទៃ។ ចំណែកករណីគ្រោះអគ្គិភ័យវិញ ក្នុងរយៈពេលដូចគ្នានេះ បានកើតឡើងចំនួន ២៦ករណី និងបណ្ដាលឱ្យផ្ទះសំបែង ខូចខាត១៤ខ្នង មាននៅរាជធានីភ្នំពេញ កណ្តាល តាកែវ កំពត កំពង់ឆ្នាំង ពោធិ៍សាត់ កំពង់ធំ ស្ទឹងត្រែង ព្រះវិហារ កំពង់ចាម ក្រចេះ ត្បូងឃ្មុំ និងខេត្តព្រៃវែង។ គ្រោះអគ្គិភ័យ​នេះ ក៏បានបណ្តាលឱ្យមានការខូច​ខាតនូវ​សម្ភារៈផ្សេងៗទៀតរួមមាន រថយន្ត ១៨គ្រឿង ម៉ូតូ ១គ្រឿង កុដិ២ខ្នង សាលាឆាន់១ ហាងលក់ស៊ុប១ រោង២ និងឃ្លាំង២កន្លែង៕ ============= [**👉Facebook**](https://www.facebook.com/vayofm)[** 👉Telegram**](https://t.me/vayofm)** **[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)