Zara金边门店双带凉鞋售价17.99万瑞尔

នៅរសៀល​ថ្ងៃ​ទី​ ៥​ ខែ​ កញ្ញា​ ឆ្នាំ​ ២០២៦​ ខ្ញុំបាទបាន​ឧបត្ថម្ភ​ថវិកា​ចំនួន​ ៥លានរៀល​ ជូនលោក​ ស្លេះ​ ហ្វឺត​ អាយុ​ ៥៦​ ឆ្នាំ​ ដែល​ត្រូវបាន​ចាប់ឃាត់ខ្លួន​ ឃុំខ្លួន​ដាក់​ពន្ធនាគារ​ចំនួន​ជិត​១ឆ្នាំ​ ដោយគ្មាន​កំហុស​ (ចាប់​ច្រលំ​)​ ។ តាមការ​ស្រាវជ្រាវ​របស់​ខ្ញុំ​ ខ្ញុំ​រកឃេីញ​ថា​ ឈ្មោះ​ ស្លេះ​ វេីត​ អាយុ​ ៤៨ឆ្នាំ​ ដែល​ចៅក្រម​សាលា​ដំបូង​ខេត្ត​ស្ទឹងត្រែង​ ចេញ​ដីកា​បង្គាប់​ឲ្យ​ចាប់​ខ្លួន​នោះ​ មាន​ ឪពុកឈ្មោះ​ ទូសាដ ស្លេះ​ ម្ដាយឈ្មោះ​ គ្រីម​ ម៉ាស​ ប្រពន្ធឈ្មោះ​ ម៉ា​ រីម៉ាស​ ។ ចំណែក​មនុស្ស​ដែល​សមត្ថកិច្ច​ចាប់​បញ្ជូនអោយ​តុលាការ​ឃុំខ្លួនដាក់​ពន្ធនាគារ​ មាន​ឈ្មោះ​ ស្លេះ​ ហ្វឺត​ អាយុ​ ៥៦​ ឆ្នាំ​ មានឪពុកឈ្មោះ​ ស្លេះ​ ពៅ​ ម្ដាយ​ឈ្មោះ​ តាលាស់​ ម៉ាស់​ ប្រពន្ធឈ្មោះ​ សុះ​ ម៉ា​អ៉ីម៉ះ​ ។ នេះ​បេីតាម​ ឯកសារ​សំបុត្រ​ កំណេីត​ និង​ សលាកប័ត្រ​ព័ត៌មាន​ធ្វេី​អត្តសញ្ញាណប័ណ្ណសញ្ជាតិខ្មែរ​ របស់លោក​ ស្លេះ​ ហ្វឺត​ ។ ដូច្នេះហេីយ​ខ្ញុំ​នៅ​តែ​អះអាងថា​ ជាការ​ចាប់​ច្រលំ​មនុស្ស​ មិនមែន​ចាប់​ត្រូវហេីយ​ដោះលែង​ដោយសារ​គ្មានភស្តុតាងដាក់បន្ទុកទេ​ ។ ខ្ញុំ​មិនចង់ឈ្នះចាញ់​ជាមួយ​តុលាការ​ខេត្ត​ស្ទឹងត្រែងទេ​ តែខ្ញុំ​ត្រូវការ​ការពារ​ប្រជាពលរដ្ឋស្លូតត្រង់ដែល​គ្មាន​កំហុស​ត្រូវ​គេចាប់ឃុំខ្លួនដាក់​ពន្ធនាគារ​ជិត​ ១ឆ្នាំ​ យ៉ាង​អយុត្តិធម៌បំផុត​ ។ ប្រភព: pheng vannak