干拉省干拉实居县4公里混凝土路通车 连接3个公社

[来源: 柬埔寨国家电视台] [分类提示: NEWS] 标题: ស្រុកកណ្តាលស្ទឹង ដាក់សម្ពោធដាក់ឲ្យប្រើប្រាស់ផ្លូវបេតុងប្រវែងជាង ៤គីឡូម៉ែត្រ តភ្ជាប់ឃុំចំនួន៣ ផ្លូវបេតុង ១ខ្សែ ប្រវែង ៤៣៥៦ម ទទឹង ១០ម កម្រាស់ ០.២ម ដែលឆ្លងកាត់៣ឃុំ ឃុំបាគូ គោកត្រប់ និងឃុំសៀមរាប នៅស្រុកកណ្តាលស្ទឹង ខេត្តកណ្តាល បានប្រារព្ធពិធីសម្ពោធដាក់ឱ្យប្រើប្រាស់ជាផ្លូវការ នាព្រឹកថ្ងៃទី២៤ ខែឧសភា ឆ្នាំ២០២៦ ក្រោមអធិបតីភាព ឯកឧត្តម ណុប រ័ត្ននិមល អនុប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកកណ្តាលស្ទឹង ខេត្តកណ្តាល  តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង នាយករងខុទ្ទកាល័យ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។ ពិធីសម្ពោធដាក់ឱ្យប្រើប្រាស់ជាផ្លូវការ នៅផ្លូវបេតុងមួយខ្សែនេះ បានប្រារព្ធធ្វើឡើង នៅមុខសាលាឃុំគោកត្រប់ ស្រុកកណ្តាលស្ទឹង ដោយមានការអញ្ជើញចូលរួមយ៉ាងច្រើនកុះករពីសំណាក់អាជ្ញាធរដែនដី យុវជន និងប្រជាពលរដ្ឋ នៅក្នុងស្រុកកណ្តាលស្ទឹង ខេត្តកណ្តាល។ យោងតាមរបាយការណ៍របស់ លោក អ៊ូច សៅវឿន អភិបាលស្រុកកណ្តាលស្ទឹង បានឱ្យដឹងថា ផ្លូវនេះជាផ្លូវដែលមានតាំងពីសម័យបារាំង ដោយបានសាងសង់ជាផ្លូវក្រាលកៅស៊ូ និងត្រូវបានរង ផលប៉ះពាល់ដោយសង្គ្រាមព្រមទាំងបានស្ដារឡើងវិញដោយប្រើប្រាស់ការចាក់កៅស៊ូ DBST នៅឆ្នាំ ១៩៩៦ ។ បន្ទាប់ពីការស្ថាបនាឡើងវិញនៅឆ្នាំ១៩៩១ ផ្លូវនេះត្រូវបានរងផលប៉ះពាល់ដោយទឹកជំនន់ រយៈ ពេល ២ ជាប់គ្នា និងតម្រូវការនៃការប្រើប្រាស់ និងកំណើនយានយន្តបានធ្វើឱ្យផ្លូវនេះរងការខូចខាត បង្ករជាការលំបាកដល់ការធ្វើដំណើរបស់ប្រជាពលរដ្ឋ។ ដោយទទួលបានសំណូមពរ និងពិនិត្យឃើញការលំបាកពីសំណាក់ថ្នាក់ដឹកនាំ ពិសេស ឯកឧត្តមនាយឧត្តមសេនីយ កិត្តិសង្គហបណ្ឌិត ហ៊ីង ប៊ុនហៀង ប្រធានក្រុមការងាររាជរដ្ឋាភិបាលចុះមូលដ្ឋានស្រុក បានធ្វើការសម្របសម្រួល ដោយមានការគាំទ្រពី ឯកឧត្តម គង់ សោភ័ណ្ឌ អ