柬埔寨竞选UNESCO非物质文化遗产委员会委员 6月投票

ឯកអគ្គរាជទូតកម្ពុជាប្រចាំអង្គការយូណេស្កូ រៀបចំកម្មវិធីផ្សព្វផ្សាយអំពីបេក្ខភាពរបស់កម្ពុជាក្នុងគណៈកម្មការអន្តររដ្ឋាភិបាលដើម្បីកិច្ចការពារបេតិកភណ្ឌវប្បធម៍អរូបី សម្រាប់អាណត្តិ ២០២៦-២០៣០ (AKP) ឯកឧត្ដម ឡុង កុសល ឯកអគ្គរាជទូត និងជាប្រតិភូអចិន្ត្រៃយ៍នៃស្ថានគណៈប្រតិភូអចិន្ត្រៃយ៍កម្ពុជាប្រចាំអង្គការយូណេស្កូ (UNESCO) និងឯកឧត្តម លុយ ដាវីត ឯកអគ្គរាជទូតកម្ពុជាប្រចាំសាធារណរដ្ឋបារាំង នៅថ្ងៃទី២២ ខែឧសភា ឆ្នាំ២០២៦ បានរៀបចំកម្មវិធីផ្សព្វផ្សាយអំពីបេក្ខភាពរបស់កម្ពុជាក្នុងគណៈកម្មការអន្តររដ្ឋាភិបាលដើម្បីកិច្ចការពារបេតិកភណ្ឌវប្បធម៍អរូបី សម្រាប់អាណត្តិ ២០២៦-២០៣០ ដែលនឹងត្រៀមបោះឆ្នោតនាទីស្នាក់កណ្តាលអង្គការយូណេស្កូ នៅខែមិថុនាខាងមុននេះ។ កម្មវិធីនេះក៏មានអញ្ជើញថ្លែងសុន្ទរកថាតាមប្រព័ន្ធវីដេអូដោយ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៍ និងវិចិត្រសិល្បៈ ការធ្វើបទបង្ហាញនៃទស្សន:វិស័យនិងសេចក្តីតាំងចិត្តរបស់កម្ពុជាក្នុងគណ:កម្មការ ការសម្តែងរបាំប្រពៃណីខ្មែរ និងការពិសារអាហារខ្មែរជុំគ្នាអមដោយការប្រគំតន្រ្តីបុរាណខ្មែរ។ កម្មវិធីនេះ បានប្រព្រឹត្តទៅនិវេសនដ្ឋានឯកអគ្គរាជទូតកម្ពុជា និងមានការចូលរួមពីបណ្តាឯកអគ្គរាជទូតដែលជាសមាជិកអង្គការយូណេស្កូ និងបងប្អូនខ្មែរនៅបារាំងយ៉ាងច្រើនកុះករប្រកបដោយបរិយាកាសសប្បាយរីករាយ។ **——————** Connect with AKP: 🌐[Telegram](https://t.me/TheAKP) 🌐[Facebook](https://www.facebook.com/akp.official/) 🌐[Website](http://akp.gov.kh/) 👉[X](https://twitter.com/kampucheapresse) ([Twitter](https://twitter.com/kampucheapresse)) 🌐[Instagram](https://www.instagram.com/akp_news/) 🌐[TikTok](https://www.tiktok.com/@agencekampucheapresse) 🌐[YouTube](https://www.youtube.com/@agencekampucheapresse/featured) #CambodiaWantsPeace #JusticeForCambodia