柬埔寨内政部正调查一名警官涉嫌言语威胁及态度恶劣事件

ក្រសួងមហាផ្ទៃកំពុងពិនិត្យលើករណីមន្ត្រីនគរបាលស័ក្តិ៥ ឈ្មោះ ខៀវ សុងច័ន្ទសុធា ដែលបានប្រើពាក្យសម្ដីគំរាមចាប់វាយខ្នោះអ្នកដទៃ ជាមួយនឹងឥរិយាបទច្រឡើសបើស ក្រោយហេតុការណ៍គ្រោះថ្នាក់ចរាចរណ៍។ នេះតាមការបញ្ជាក់របស់អ្នកនាំពាក្យរងក្រសួងមហាផ្ទៃ លោក ទូច សុខៈ ប្រាប់កម្ពុជាថ្មី នៅរសៀលថ្ងៃទី២៤ ខែមេសានេះ។ លោក ទូច សុខៈ បានបញ្ជាក់ដូច្នេះថា «យើងបានតាមដានយ៉ាងយកចិត្ដទុកដាក់ និងកំពុងពិនិត្យករណីនេះឱ្យបានសព្វគ្រប់ជ្រុងជ្រោយ។ ចំពោះសាមីខ្លួន គឺអាចសរសេររបាយការណ៍បំភ្លឺមកអង្គភាពខ្លួន និង/ឬអង្គភាពខ្លួនមានសមត្ថកិច្ចឱ្យសាមីខ្លួនបំភ្លឺរឿងហេតុនេះ ដើម្បីមានមូលដ្ឋានធ្វើមូលវិចារណ៍។ ទន្ទឹមនឹងនេះ អគ្គាធិការដ្ឋានក្រសួងមហាផ្ទៃ ក៏មានសមត្ថកិច្ចដូចគ្នា»៕