圣剑柴桢足球俱乐部结束亚足联挑战联赛征程

**នៅល្ងាចថ្ងៃទី១៣ ខែឧសភា ឆ្នាំ២០២៦ ឯកឧត្តម ឆាយ មករា ឯកអគ្គរាជទូតតែងតាំងនៃព្រះរាជាណាចក្រកម្ពុជាប្រចាំរដ្ឋកូវ៉ែត បានដឹកនាំមន្ត្រីការទូត និងបុគ្គលិកនៃស្ថានឯកអគ្គរាជទូតកម្ពុជា ព្រមទាំងសិស្សនិស្សិតខ្មែរកំពុងសិក្សានៅរដ្ឋកូវ៉ែត ចូលរួមទស្សនាផ្ទាល់នៅពហុកីឡាដ្ឋាន Jaber Al Ahmad International ក្នុងរដ្ឋកូវ៉ែត ដើម្បីលើកទឹកចិត្តដល់ក្រុមកីឡាករនៃក្លឹបព្រះខ័នរាជស្វាយរៀង តំណាងកម្ពុជា ក្នុងការប្រកួតវគ្គផ្តាច់ព្រាត់ពានរង្វាន់កម្រិតទី៣ ទ្វីបអាស៊ី AFC Challenge League (ACGL) ****2025/2026**** ប្រកួតទល់នឹងក្រុម AL Kuwait SC របស់រដ្ឋកូវ៉ែត។** **ដោយឡែកនៅរសៀលថ្ងៃទី១៤ ខែឧសភា ឆ្នាំ២០២៦ លោក សៀវ ម៉ាប់ ទីប្រឹក្សា និងតំណាងស្ថានឯកអគ្គរាជទូតកម្ពុជា នៅរដ្ឋកូវ៉ែត បានសម្របសម្រួល និងជូនដំណើរក្រុមកីឡាករនៃក្លឹបព្រះខ័នរាជស្វាយរៀង នៅព្រលានយន្តហោះត្រឡប់ទៅកម្ពុជាវិញ។** **ស្ថានឯកអគ្គរាជទូតកម្ពុជាសូមកោតសរសើរ និងវាយតម្លៃខ្ពស់ចំពោះស្មារតីលះបង់ ការតស៊ូរបស់គ្រូបង្វឹក និងស្មារតីប្រយុទ្ធដ៏ស្វិតស្វាញរបស់ក្រុមកីឡាករទាំងអស់នៃក្លឹបព្រះខ័នរាជស្វាយរៀងក្នុងព្រឹត្តការណ៍ការប្រកួតខាងលើ៕ **[Website](https://www.btv.com.kh/) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)