残疾学子逆袭：从受助者到基层公职人员

«ពន្លឺនៃក្តីសង្ឃឹម៖ ពិការភាពមិនមែនជាឧបសគ្គនៃចំណេះដឹង ហើយភាពក្រីក្រក៏មិនមែនជាជញ្ជាំងរារាំងក្តីស្រមៃបានឡើយ» កញ្ញា ឌឹម សុខធីតា អតីតនិស្សិតអាហារូបករណ៍ អ.ម.ត ដែលបានតស៊ូជម្នះរាល់ឧបសគ្គជីវិត ចាប់តាំងពីក្មេងស្រីដែលមានពិការភាពដៃស្តាំ និងមានជីវភាពខ្វះខាត រហូតបានក្លាយជា សមាជិកក្រុមប្រឹក្សាឃុំប៉ាក់ខ្លង ខេត្តកោះកុង នាពេលបច្ចុប្បន្ន។ កញ្ញាទទួលបានឱកាសក្នុងការសិក្សានៅសាកលវិទ្យាល័យ UME ក្រោមការឧបត្ថម្ភដ៏ខ្ពង់ខ្ពស់ពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលអាហារូបករណ៍មួយនេះបានជួយផ្លាស់ប្រែពីនិស្សិតម្នាក់ដែលធ្លាប់ទទួលបានជំនួយ ឥឡូវនេះកញ្ញាបានប្រែក្លាយខ្លួនជាអ្នកបម្រើប្រជាពលរដ្ឋក្នុងមូលដ្ឋានដោយផ្ទាល់ ស្របតាមបំណងប្រាថ្នាចង់ជួយដល់សង្គមជាតិ។ កញ្ញា ឌឹម សុខធីតា សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត, សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលបានផ្តល់នូវពន្លឺជីវិតថ្មី និងឱកាសដ៏ពុំអាចកាត់ថ្លៃបាននេះ។ [Website](https://www.btv.com.kh/) [| Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)