柬埔寨政府通过外交途径捍卫边境主权与领土完整

តើរាជរដ្ឋាភិបាលកម្ពុជាកំពុងធ្វើអ្វីខ្លះតាមមធ្យោបាយការទូត ដើម្បីការពារអធិបតេយ្យ និងបូរណភាពទឹកដីកម្ពុជា? តាមការលើកឡើងរបស់ក្រុមការងារសាធារណមតិកម្ពុជា (Cambodia PR Team) ថ្ងៃទី១២ ខែសីហា ឆ្នាំ២០២៦ បានឲ្យដឹងថា រាជរដ្ឋាភិបាលកម្ពុជាកំពុងប្រើប្រាស់មធ្យោបាយការទូតយ៉ាងសកម្ម ដើម្បីការពារអធិបតេយ្យ និងបូរណភាព ទឹកដីរបស់ខ្លួន។ កម្ពុជាបន្តធ្វើការតវ៉ាជាផ្លូវការចំពោះសកម្មភាពដែលកម្ពុជាចាត់ទុកថា ជាការរំលោភបំពាន និងបន្តបញ្ជាក់ ជំហររបស់ខ្លួនចំពោះបញ្ហាព្រំដែន។ ជាមួយគ្នានេះ កម្ពុជាបន្តបង្ហាញភស្តុតាង និងព័ត៌មានផ្សេងៗទៅកាន់ភាគីពាក់ព័ន្ធ និងសហគមន៍អន្តរជាតិ ដើម្បីឱ្យមានការយល់ដឹងច្បាស់អំពីស្ថានការណ៍ជាក់ស្តែង។ កម្ពុជាក៏បន្តប្រើប្រាស់ច្បាប់អន្តរជាតិ សន្ធិសញ្ញា និងកិច្ចព្រមព្រៀងទ្វេភាគី ដែលមានស្រាប់ជាមូលដ្ឋានសម្រាប់ការការពារសិទ្ធិស្របច្បាប់របស់ខ្លួន។ អ្វីដែលសំខាន់គឺកម្ពុជាមិនចង់ឱ្យបញ្ហាព្រំដែនវិវត្តទៅជាជម្លោះប្រដាប់អាវុធនោះទេ។ ដូច្នេះ រាជរដ្ឋាភិបាលនៅតែប្រកាន់យកការសន្ទនា និងការចរចាតាមរយៈការទូត ជាមធ្យោបាយសំខាន់ ដើម្បីស្វែងរកដំណោះស្រាយដោយសន្តិវិធី ស្របតាមច្បាប់អន្តរជាតិនិងដើម្បីស្តារសន្តិភាព ស្ថិរភាព និងទំនាក់ទំនងល្អរវាងប្រទេសជិតខាងទាំងពីរ៕