卫生部部长视察暹粒库克查克卫生中心 强调提升基层医疗信任度

សារគន្លឹះរបស់រដ្ឋមន្រ្តីសុខាភិបាល​ ក្នុងឱកាសចុះពិនិត្យនៅមណ្ឌលសុខភាពគោកចក ខេត្តសៀមរាប៖ ១. ភាពឆ្នើមត្រូវក្លាយជាវប្បធម៌៖ «ការទទួលចំណាត់ថ្នាក់ម្តងរឺពីរដងអាចកើតចេញពីការខិតខំប្រឹងប្រែង ប៉ុន្តែការរក្សាភាពឆ្នើមជាបន្តបន្ទាប់ ត្រូវការវប្បធម៌ការងារដែលផ្អែកលើវិន័យ ការទទួលខុសត្រូវ និងការកែលម្អជាប្រចាំ។» ២. កុំពេញចិត្តត្រឹមភាពជោគជ័យបច្ចុប្បន្ន៖ «ជោគជ័យថ្ងៃនេះ គឺជាមូលដ្ឋានសម្រាប់ជោគជ័យធំជាងនេះនៅថ្ងៃស្អែក។ សូមកុំឈប់នៅត្រឹមការទទួលស្គាល់ ប៉ុន្តែត្រូវបន្តបង្កើតសមិទ្ធផលថ្មីៗបន្ថែមទៀត។» ៣. បន្តបង្កើនទំនុកចិត្តប្រជាពលរដ្ឋ៖ «គោលដៅសំខាន់មិនមែនត្រឹមតែព្យាបាលជំងឺទេ ប៉ុន្តែធ្វើឱ្យប្រជាពលរដ្ឋមានទំនុកចិត្តថា មណ្ឌលសុខភាពរដ្ឋគឺជាជម្រើសទី១ និងជាជម្រើសដែលជឿជាក់ជាប្រចាំ។» ៤. ការច្នៃប្រឌិតចាប់ផ្តើមពីមូលដ្ឋាន៖ «គំនិតថ្មី និងដំណោះស្រាយល្អជាច្រើន មិនមែនផ្តេីមនៅតែការិយាល័យកណ្តាលទេ ប៉ុន្តែផ្តេីមចេញពីបទពិសោធន៍ជាក់ស្តែងនៅមណ្ឌលសុខភាព។ សូមបន្តគិត បន្តច្នៃប្រឌិត និងបន្តកែលម្អ។» ក្នុងឱកាស​ ចុះពិនិត្យការបម្រើសេវាសុខាភិបាល នាល្ងាចថ្ងៃចន្ទ ទី១៥ ខែមិថុនា ឆ្នាំ២០២៦ នៅមណ្ឌលសុខភាព គោកចក ខេត្តសៀមរាប ដែលជាមណ្ឌលសុខភាពគោលដៅគំរូ ក្នុងឆ្នាំ២០២៥​។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter](https://x.com/MohCambodia)) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)