司法部与计划部近期将招录31名公务员及合同制人员

គណៈកម្មការរៀបចំការប្រឡង នឹងរៀបចំការប្រឡងប្រជែងជ្រើសរើសមន្រ្តីរាជការ និងមន្រ្តីផ្អែកលើកិច្ចព្រមព្រៀងការងារ ឱ្យចូលបម្រើការងារក្នុងក្របខ័ណ្ឌ «ក្រសួងយុត្តិធម៌» និង «ក្រសួងផែនការ» ក្នុងពេលឆាប់ៗនេះ នារសៀលថ្ងៃទី១៦ ខែកក្កដា ឆ្នាំ២០២៦ គណៈកម្មការរៀបចំការប្រឡងនៃក្រសួងមុខងារសាធារណៈ ដឹកនាំដោយ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡង បានរៀបចំកិច្ចប្រជុំជាមួយ តំណាងក្រសួងយុត្តិធម៌ តំណាងក្រសួងផែនការ និងតំណាងក្រសួង-ស្ថាប័នពាក់ព័ន្ធ ដើម្បីពិភាក្សាក្នុងការត្រៀមខ្លួនឆ្ពោះទៅកាន់ការរៀបចំប្រឡងប្រជែងជ្រើសរើស៖ - មន្រ្តីជំនាញច្បាប់ សម្រាប់ក្របខ័ណ្ឌក្រសួងយុត្តិធម៌ ចំនួន ១៥កន្លែង និង - មន្រ្តីផ្អែកលើកិច្ចព្រមព្រៀងការងារ សម្រាប់វិទ្យាស្ថានជាតិស្ថិតិនៃក្រសួងផែនការ ចំនួន ១៦កន្លែង។ ដំណើរការកិច្ចប្រជុំនាពេលនេះ ជាការពិភាក្សាលម្អិតលើការរៀបចំដំណើរការជ្រើសរើសមន្រ្តីស្របតាមមុខតំណែងតម្រូវការ គុណវុឌ្ឍិ លក្ខខណ្ឌផ្សេងៗ ក៏ដូចជានីតិវិធីក្នុងការកំណត់ដំណាក់កាលប្រឡង វិញ្ញាសាប្រលង និងកាលបរិច្ឆេទប្រឡង ព្រមទាំងសេចក្តីព្រាងសេចក្តីជូនដំណឹងស្តីពីប្រឡងក្របខ័ណ្ឌទាំង២។ សម្រាប់សេចក្តីជូនដំណឹងស្តីពីការចុះឈ្មោះទទួលពាក្យប្រឡង នឹងមានផ្សាយជូនក្នុងពេលឆាប់នេះ។ ដើម្បីទទួលបានព័ត៌មានថ្មីៗពាក់ព័ន្ធនឹងការប្រឡង សូមភ្ជាប់ជាមួយបណ្តាញផ្សព្វផ្សាយផ្លូវការនានារបស់ក្រសួងមុខងារសាធារណៈ តាមតំណមានជូនភ្ជាប់ខាងក្រោម៖ 🖥បណ្តាញផ្សព្វផ្សាយឈ្មោះ «ក្រសួងមុខងារសាធារណៈ» ១.Telegram (https://t.me/mcsgovkh) ២.Facebook (https://www.facebook.com/CivilServiceCambodia) 🖥បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ» ១.Telegram (https://t.me/CivilServiceNews31) ២.Facebook (https://www.facebook.com/Civil.Service.New