德崇国际机场警方开展反拐培训 提升人口贩运识别能力

**ប៉ុស្តិ៍នគរបាលអាកាសយានដ្ឋានអន្តរជាតិតេជោ បណ្តុះបណ្តាលមន្ត្រីទប់ស្កាត់ការជួញដូរមនុស្ស** **កណ្តាល៖** រយៈពេល២ថ្ងៃ ចាប់ពីថ្ងៃទី១ ដល់ថ្ងៃទី២ ខែកញ្ញា ឆ្នាំ២០២៦ ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានរៀបចំវគ្គបណ្តុះបណ្តាលស្តីពី **«ការកំណត់អត្តសញ្ញាណ និងកិច្ចការពារបុគ្គលដែលមានហានិភ័យរងគ្រោះដោយសារការជួញដូរមនុស្ស»** ដើម្បីពង្រឹងសមត្ថភាពមន្ត្រីក្នុងការកំណត់សញ្ញាប្រឈម ការពារ និងទប់ស្កាត់ការជួញដូរមនុស្ស។ ក្នុងឱកាសនេះ លោកឧត្តមសេនីយ៍ត្រី **សុខ ធា** នាយប៉ុស្តិ៍ បានបញ្ជាក់ពីការប្តេជ្ញាចិត្តទប់ស្កាត់សកម្មភាពដែលអាចនាំឱ្យប្រជាពលរដ្ឋ ជាពិសេសនារីខ្មែរ ចាញ់បោកមេខ្យល់ និងរងគ្រោះដោយការជួញដូរមនុស្ស។ លោកថា **ការទប់ស្កាត់បានទាន់ពេលវេលា គឺជាជោគជ័យដ៏សំខាន់ក្នុងការការពារប្រជាពលរដ្ឋ។** វគ្គនេះមានការចូលរួមចែករំលែកបទពិសោធន៍ពីតំណាងស្ថានទូតអូស្ត្រាលី និងគ្រូបង្គោល ដោយមានគ្រូបង្គោល **១៣នាក់** និងសិក្ខាកាម **៩០នាក់** ចូលរួម។ លោកក៏បានជំរុញឱ្យសិក្ខាកាមយកចំណេះដឹងទៅអនុវត្ត និងចែករំលែកបន្តដល់មន្ត្រីដទៃទៀត។ 🌐[Website](https://troryorng.com/) 📘[អានអត្ថបទពេញ](https://www.facebook.com/share/19f6pTrczY/?mibextid=wwXIfr) 👉[JOIN US](http://t.me/troryorngmedia) —— Page [Troryorng News](https://www.facebook.com/TroryorngOfficial) Page [Troryorng TV](https://www.facebook.com/Yuvavey) Page [Troryorng សង្គម](https://www.facebook.com/troryorng.entertainment) Page [Troryorng Spots](https://www.facebook.com/troryorngsports) [www.troryorng.com](https://troryorng.com/)