柬埔寨欢迎UNCLOS调解委员会处理柬泰海域争端

លោកស្រី Katrina Cooper ត្រូវបានតែងតាំងជាប្រធានគណៈកម្មការផ្សះផ្សា ដែលត្រូវបង្កើតឡើងស្របតាមអនុសញ្ញាអង្គការសហប្រជាជាតិស្ដីពីនីតិសមុទ្រ(UNCLOS) ដើម្បីដោះស្រាយបញ្ហាព្រំដែនសមុទ្ររវាងកម្ពុជានិងថៃនៅក្នុងតំបន់​ទាមទារត្រួតស៊ីគ្នា។ កម្ពុជាប្រកាសស្វាគមន៍ចំពោះការតែងតាំងនេះ ដោយចាត់ទុកជាជំហានដ៏សំខាន់មួយក្នុងដំណើរការផ្សះផ្សា ដែលត្រូវបានផ្ដួចផ្ដើមឡើងដោយកម្ពុជា។ កម្ពុជាជឿជាក់ថា ដំណើរការផ្សះផ្សានឹងផ្ដល់នូវឱកាសសម្រាប់ដោះស្រាយការខ្វែងគំនិតគ្នា។ សូមជម្រាបថា គណៈកម្មការផ្សះផ្សាក្រោមអនុសញ្ញា​ UNCLOS មានសមាសភាពអ្នកផ្សះផ្សាឯករាជ្យចំនួនប្រាំរូប។ កម្ពុជាបានតែងតាំងឯកអគ្គរដ្ឋទូត Peter Taksɵe-Jensen និង Jean-Marc Thouvenin ខណៈប្រទេសថៃបានតែងតាំងចៅក្រម Rudiger Wolfrum និង Albert Hoffmann ជាអ្នកផ្សះផ្សា។ អ្នកផ្សះផ្សាទាំងបួនរូបបានតែងតាំងលោកស្រី Katrina Cooper ជាប្រធានគណៈកម្មការផ្សះផ្សា ដោយមានការពិគ្រោះយោបល់ជាមួយគូភាគីទាំងសងខាង៕ =========== [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS **](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)