柬埔寨外交部抗议泰方在柏威夏及奥多棉芷省非法建设

**Breaking**៖ថៃសាងសង់ព្រះពុទ្ធបដិមាយ៉ាងតិច៣៦អង្គនៅទីតាំងមួយចំនួនក្នុងខេត្ដព្រះវិហារ និងឧត្ដរមានជ័យ ព្រមទាំងដំឡើងបង្គោលទង់ជាតិចំនួន២នៅក្នុងខេត្ដព្រះវិហារ។ កម្ពុជាចេញការតវ៉ាជាផ្លូវការប្រឆាំងដាច់ខាតនឹងសកម្មភាពបំពាននេះ។ តាមសេចក្ដីប្រកាសព័ត៌មានរបស់ក្រសួងការបរទេសកម្ពុជា បន្ទាប់ពីបទឈប់បាញ់ថ្ងៃទី២៧ ខែធ្នូ ឆ្នាំ២០២៥ កងកម្លាំងយោធាថៃបានបន្ដពង្រឹងការគ្រប់គ្រង និងការកាន់កាប់ដោយខុសច្បាប់លើទឹកដីកម្ពុជា តាមរយៈការសាងសង់សំណង់អចិន្ដ្រៃយ៍នានា ដូចជាផ្លូវ ព្រះពុទ្ធបដិមាធំៗ ការដំឡើងនិងពង្រឹងរបាំងបិទផ្លូវដោយប្រើទូកុងតឺន័រ និងបន្លាលួស កាសាងសង់បង្គោលទង់ជាតិនៅទីតាំងមួយចំនួន ព្រមទាំងការរៀបចំសកម្មភាពវប្បធម៌ និងទេសចរណ៍ផ្សេងៗ។ សកម្មភាពទាំងនេះផ្ទុយយ៉ាងច្បាស់ទៅនឹងវិធានការដែលចែងនៅក្នុងសេចក្ដីប្រកាសរួមកាលពីថ្ងៃទី២៧ ខែធ្នូ ឆ្នាំ២០២៥៕ ============= [** 👉Faceboo**](https://www.facebook.com/vayofm)[**k 👉Telegram**](https://t.me/vayofm)** **[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)