金边公立学校教师内部调动考试进入阅卷阶段

មិនបង្អង់! ប្រឡងចប់ភ្លាម ធ្វើកំណែភ្លាម ត្បិតតែថ្ងៃនេះជាថ្ងៃឈប់សម្រាក ប៉ុន្តែគណៈកម្មការរៀបចំការប្រឡង នៅតែបន្តពន្លឿនដំណើរការនៃការរៀបចំការប្រឡងផ្ទៃក្នុង សម្រាប់គ្រូបង្រៀនជាមន្ត្រីរាជការក្របខ័ណ្ឌ ដើម្បីផ្ទេរកន្លែងការងារពីគ្រឹះស្ថានសិក្សាសាធារណៈទូទាំងប្រទេស មកបំពេញតម្រូវការគ្រូបង្រៀនបន្ថែមនៅតាមគ្រឹះស្ថានសិក្សាសាធារណៈ ក្នុងភូមិសាស្ត្ររាជធានីភ្នំពេញ ឱ្យបានឆាប់រហ័សស្របតាមផែនការគ្រោងទុក ប្រកបដោយបរិយាបន្ន និងប្រសិទ្ធភាព ដើម្បីរៀបចំ លោកគ្រូ អ្នកគ្រូ ទៅបង្រៀនសិស្សានុសិស្សនៅតាមគោលដៅគ្រឹះស្ថានសិក្សាសាធារណៈ ឱ្យបានទាន់ពេលវេលា។ ខណៈនេះ គណៈកម្មការរៀបចំការប្រឡង កំពុងអនុវត្តនីតិវិធីប្រជុំណែនាំតម្រង់ទិសដល់សមាជិក សមាជិកាក្រុមការងារធ្វើកំណែសន្លឹកកិច្ចការទាំងអស់សរុបចំនួន ៣០រូប និងកំពុងបានត្រៀមខ្លួនរួចជាស្រេចក្នុងការកែសន្លឹកកិច្ចការបន្ទាប់ពីការកាត់ក្បាលសន្លឹកកិច្ចការ និងការចុះលេខបានដំណើរការរួចរាល់។