干拉省斯昂县招聘会5月26日开幕 提供2288个岗位

📣 ឱកាសការងារជាង ២ ០០០កន្លែង ក្នុងវេទិកាការងារ និងការជ្រើសរើសកម្លាំងពលកម្មរបស់ទីភ្នាក់ងារជាតិមុខរបរ និងការងារនៅទឹកដីស្រុកស្អាង នៃខេត្តកណ្តាល។ 👉 នៅថ្ងៃអង្គារ ទី២៦ ខែឧសភា ខាងមុខនេះទីភ្នាក់ងារជាតិមុខរបរ និងការងារនៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយរដ្ឋបាលស្រុកស្អាង នៃខេត្តកណ្តាល និង ស.ស.យ.ក វិស័យការងារសន្តិសុខសង្គម និងវិជ្ជាជីវៈ គាំទ្រដោយអង្គការការីតាសកម្ពុជា នឹងរៀបចំវេទិកាការងារ និងការជ្រើសរើសកម្លាំងពលកម្ម ដោយនាំយកឱកាសការងារចំនួន ២ ២៨៨ កន្លែង សម្រាប់អ្នកកំពង់ស្វែងរកការងារធ្វើអាចដាក់ពាក្យ និងសម្ភាសន៍ភ្លាមៗជាមួយក្រុមហ៊ុនធំៗជាច្រើនដែលចូលរួមតាំងបង្ហាញដោយផ្ទាល់។ វេទិកាការងារនេះនឹងប្រព្រឹត្តនៅក្នុងបរិវេណវត្តក្រាំងយ៉ូវ ឃុំក្រាំងយ៉ូវ ស្រុកស្អាង ខេត្តកណ្តាល ចាប់ពីម៉ោង ៨:០០ព្រឹក រហូតដល់ម៉ោង ៥:០០ ល្ងាច។     👉យុវជន និងអ្នកកំពុងស្វែងរកការងារ ដែលចាប់អារម្មណ៍ចង់ដាក់ពាក្យស្នើសុំការងារជាមួយក្រុមហ៊ុននានា សូមទាក់ទងមក NEA តាមរយៈលេខ ០៧៧ ២៣២ ៣៧៨ និងតេលេក្រាម ០១៦ ៧៨៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕