教育部长赴坤塔帕花医院探望校车事故伤者

រដ្ឋមន្ត្រីក្រសួងអប់រំ ចុះសួរសុខទុក្ខសិស្សរងរបួសក្នុងហេតុការណ៍រថយន្តដឹកសិស្សធ្លាក់ចូលទឹក នៅមន្ទីរពេទ្យគន្ធបុប្ផា លោក ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា បានអញ្ជើញទៅសួរសុខទុក្ខសិស្សដែលរងរបួសក្នុងហេតុការណ៍រថយន្តដឹកសិស្សធ្លាក់ចូលស្រះទឹក នៅស្រុកខ្សាច់កណ្តាល ខេត្តកណ្តាល ដែលកំពុងទទួលការសង្គ្រោះបន្ទាន់នៅមន្ទីរពេទ្យគន្ធបុប្ផា។ ក្នុងឱកាសនោះ លោកបានផ្តល់កម្លាំងចិត្តដល់សិស្សរងរបួស និងអាណាព្យាបាល ព្រមទាំងជូនពរឱ្យសិស្សទាំងអស់ឆាប់ជាសះស្បើយ និងមានសុខភាពល្អប្រសើរឡើងវិញ។ សូមបញ្ជាក់ថា កាលពីព្រឹកថ្ងៃទី១០ ខែវិច្ឆិកា ឆ្នាំ២០២៦ រថយន្តឈ្នួលឯកជនមួយគ្រឿងដែលដឹកសិស្សសាលាប៊ែលធី បានជួបគ្រោះថ្នាក់ធ្លាក់ចូលស្រះទឹក នៅឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។ ហេតុការណ៍នេះបានបណ្តាលឱ្យសិស្សចំនួន ៥នាក់បាត់បង់ជីវិត ខណៈសិស្ស ២១នាក់ផ្សេងទៀតត្រូវបានជួយសង្គ្រោះ ក្នុងនោះមាន ២នាក់រងរបួស។ តាមសេចក្តីរាយការណ៍បឋម គ្រោះថ្នាក់នេះកើតឡើងដោយសាររថយន្តព្យាយាមគេចពីម៉ូតូមួយគ្រឿង ហើយក៏ជ្រុលធ្លាក់ចូលស្រះទឹកតែម្តង៕