磅湛省与柴桢省发生严重车祸 造成11人死亡多人受伤

ស្លាប់ជាង១០នាក់ និងរងរបួសជាច្រើននាក់ទៀត នៅព្រឹកព្រលឹមថ្ងៃនេះក្នុងហេតុការណ៍គ្រោះថ្នាក់ចរាចរណ៍ពីរករណីផ្សេងគ្នានៅកំពង់ឆ្នាំង និងស្វាយរៀង។ នៅកំពង់ឆ្នាំងកើតឡើងនៅលើផ្លូវជាតិលេខ៥ ស្ថិតនៅភូមិសាលាលេខ៥ ឃុំអូឬស្សី ស្រុកកំពង់ត្រឡាច ខេត្តកំពង់ឆ្នាំង។ ហេតុការណ៍បង្កឡើងដោយរថយន្តកុងតឺន័របើករ៉េចង្កួតទៅបុករថយន្តកម្មកររោងចក្រ បណ្ដាលឱ្យស្លាប់៧នាក់ និងរបួសធ្ងន់ស្រាល៤៦នាក់។ ដោយឡែកនៅស្វាយរៀង កើតឡើងក្នុងភូមិបាក់រនាស់សង្កាត់សង្ឃ័រ ក្រុងស្វាយរៀង ខេត្តស្វាយរៀង។ សេចក្តីរាយការណ៍ បានបញ្ជាក់ថា ករណីគ្រោះថ្នាក់ចរាចរណ៍ដ៏រន្ធត់នេះ រថយន្តដឹកកម្មករមួយគ្រឿងបើកលឿនក្រឡាប់ចាក់កម្មករពេញផ្លូវ។ បន្ទាប់មកមានរថយន្តមួយគ្រឿងទៀត បើកគេចរថយន្តដឹកកម្មករដែលកំពុងក្រឡាប់នោះ ជ្រុលទៅបុកម៉ូតូមួយគ្រឿងទៀតបណ្ដាលឱ្យមានមនុស្សស្លាប់៤នាក់ និងរបួសជាច្រើននាក់។