柬埔寨国王赞誉团结大厦 强调和平发展成就

ព្រះករុណាព្រះបាទសម្តេចព្រះបរមនាថ នរោត្តម សីហមុនី មានព្រះរាជបន្ទូលថា «វិមានសាមគ្គីភាព» មិនត្រឹមតែជានិមិត្តរូបនៃសាមគ្គីជាតិប៉ុណ្ណោះទេ ប៉ុន្តែថែមទាំងជួយលើកកម្ពស់កិត្យានុភាពកម្ពុជានៅលើឆាកអន្តរជាតិ និងបន្ថែមសោភ័ណភាពដល់វិមានរដ្ឋចំការមន ដែលជាមរតកស្ថាបត្យកម្មដ៏មានតម្លៃរបស់ព្រះករុណាព្រះបាទសម្តេចព្រះ នរោត្តម សីហនុ «ព្រះបរមរតនកោដ្ឋ»។ ព្រះមហាក្សត្របានមានព្រះរាជបន្ទូលថា សន្តិភាព សាមគ្គីភាព និងការអភិវឌ្ឍរបស់កម្ពុជា គឺជាលទ្ធផលនៃការអនុវត្ត «នយោបាយឈ្នះឈ្នះ» យុទ្ធសាស្ត្រត្រីកោណ យុទ្ធសាស្ត្រចតុកោណ និងការកែទម្រង់ស៊ីជម្រៅ ដែលបានផ្លាស់ប្តូរមុខមាត់ប្រទេស និងបង្កើតសមិទ្ធផលជាច្រើន។ ព្រះអង្គក៏បានលើកឡើងពីសមិទ្ធផលរបស់ព្រឹទ្ធសភានីតិកាលទី៥ ក្នុងការពង្រឹងឯកភាពជាតិ ការពារអធិបតេយ្យភាពជាតិ និងអរិយធម៌អង្គរ ព្រមទាំងបានថ្លែងអំណរគុណចំពោះ សម្តេចតេជោ ហ៊ុន សែន ចំពោះការចូលរួមដឹកនាំ និងគាំទ្រកិច្ចការពារបូរណភាពទឹកដី និងអធិបតេយ្យភាពជាតិ ក្នុងគ្រប់កាលៈទេសៈ។ [**Join AMS One-minute**](https://t.me/ams1minute)