西港海关行政大楼正式启用 包含14层宿舍及现代化办公设施

[来源: 柬埔寨国家电视台] [分类提示: NEWS] 标题: នាថ្ងៃទី១៣ ខែមិថុនា ឆ្នាំ២០២៦ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ដ្រី រដ្ឋមន្ដ្រីក្រសួងសេដ្ឋកិច្ចនិងហិរញ្ញវត្ថុ បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល និងហេដ្ឋារចនាសម្ព័ន្ធនានា នៃសាខាគយនិងរដ្ឋាករកំពង់ផែអន្តរជាតិក្រុងព្រះសីហនុ និងអគារនិវេសនដ្ឋានគយ ដោយមានការអញ្ជើញចូលរួមពីឯកឧត្តមបណ្ឌិតសភាចារ្យ ជូ វិជិត្ត រដ្ឋលេខាធិការប្រចាំការក្រសួងសេដ្ឋកិច្ចនិងហិរញ្ញវត្ថុ ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ឯកឧត្តម លូ គឹមឈន់ ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​ប្រធាន​អគ្គនាយកកំពង់ផែ​ស្វយ័ត​ក្រុងព្រះសីហនុ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ ព្រមទាំងថ្នាក់ដឹកនាំ និងមន្ត្រីរាជការគយនិងរដ្ឋាករ នៃក្រសួងសេដ្ឋកិច្ចនិងហិរញ្ញវត្ថុ។ អគាររដ្ឋបាល និងហេដ្ឋារចនាសម្ព័ន្ធនានារបស់សាខាគយនិងរដ្ឋាករកំពង់ផែអន្តរជាតិក្រុងព្រះសីហនុ ត្រូវបានចាប់ផ្ដើម​សាងសង់នៅថ្ងៃទី២៧ ខែមករា ឆ្នាំ២០២៥ ក្នុងនោះមានអគាររដ្ឋបាល ទំហំ ៣៧,៥ម៉ែត្រ x ២៤ ម៉ែត្រ កម្ពស់ ៣ ជាន់ ព្រមទាំងហេដ្ឋារចនាសម្ព័ន្ធនានា រួមមាន អគាររួមដែលមានបន្ទប់ការិយាល័យ បន្ទប់ប្រជុំតូច សាលប្រជុំធំ បន្ទប់រង់ចាំ បន្ទប់បញ្ចូលទិន្នន័យ បន្ទប់ម៉ាស៊ីនមេ (Server) ប៉ុស្តិ៍សន្តិសុខ ចំណតរថយន្ត បណ្តាញទឹកស្អាត បណ្តាញអគ្គិសនី ប្រព័ន្ធលូ បង្គោលភ្លើង និងអំពូលសូឡា សួនច្បារ និងរបងព័ទ្ធជុំវិញ ព្រមទាំងបានបំពាក់សម្ភារៈការិយាល័យ និងគ្រឿងសង្ហារឹមផងដែរ។ ដោយឡែក និវេសនដ្ឋានគយ ត្រូវបានចាប់ផ្ដើម​សាងសង់នៅថ្ងៃទី២០ ខែធ្នូ ឆ្នាំ២០២៣ ដែលមានកម្ពស់ ១៤ ជាន់ និងបន្ទប់សរុបចំនួន ១៤០ បន្ទប់ ក្នុងនោះ ៧៧ បន្ទប់ ត្រូវបានរៀបចំសម្រាប់ការស្នាក់នៅរបស់មន្ត្រីគយនិងរដ្ឋាករ និង ៦៣