劳工部代表出席涅沙文胞姐葬礼 表达深切哀悼

តំណាងក្រសួងការងារ ចូលរួមគោរពវិញ្ញាណក្ខន្ធមហាឧបាសិកា នេត សុគន្ធ (ភ្នំពេញ)៖ ឯកឧត្តម ប្រាក់ ចាន់ធឿន រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ហេង សួរ រដ្ឋមន្ដ្រីក្រសួងការងារនិងបណ្តុះបណ្តាលវិជ្ជាជីវៈ នារសៀលថ្ងៃពុធទី៨ ខែកក្កដា ឆ្នាំ២០២៦  បានដឹកនាំគណៈប្រតិភូអញ្ជើញចូលរួមគោរពវិញ្ញាណក្ខន្ធមហាឧបាសិកា នេត សុគន្ធ ត្រូវជា បងស្រីបង្កើតរបស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន។ មហាឧបាសិកា នេត សុគន្ធ បានទទួលមរណភាព នៅថ្ងៃទី៦ ខែកក្កដា ឆ្នាំ២០២៦ ក្នុងជន្មាយុ ៧៨ឆ្នាំ ដោយរោគាពាធ។ ក្នុងនាមក្រសួងការងារនិងបណ្តុះបណ្តាលវិជ្ជាជីវៈ ឯកឧត្តមរដ្ឋលេខាធិការ សូមចូលរួមរំលែកទុក្ខយ៉ាងក្រៀមក្រំជាមួយគ្រួសារសព ចំពោះការបាត់បង់ដ៏ធំធេងនេះ ដោយបានចាត់ទុក ការបាត់បង់មហាឧបាសិកា នេត សុគន្ធ គឺជាការបាត់បង់នូវបងស្រីបង្កើត បងថ្លៃ ម្តាយ ម្តាយក្មេក និងជីដូនជាទីគោរពស្រឡាញ់ប្រកបដោយព្រហ្មវិហារធម៌ និងសង្គហធម៌ដ៏ល្អប្រពៃចំពោះបុត្រា បុត្រី ចៅប្រុស ចៅស្រី និងជាការបាត់បង់នូវពុទ្ធសាសនិកដ៏ឆ្នើមមួយរូបដែលមានសទ្ធាជ្រះថ្លា ក្នុងការចូលរួមចំណែក កសាងលើកស្ទួយវិស័យព្រះពុទ្ធសាសនានៅកម្ពុជា។ ជាមួយនឹងការចូលរួមរំលែកទុក្ខដ៏ក្រៀមក្រំជាមួយឯកឧត្តមសន្តិបណ្ឌិត នេត សាវឿន  និងលោកជំទាវ ព្រមទាំងក្រុមគ្រួសារនៃសព ឯកឧត្តម ប្រាក់ ចាន់ធឿន ក៏បាននាំយកបច្ច័យរបស់ឯកឧត្តមរដ្ឋមន្រ្តី ចូលរួមពិធីបុណ្យផងដែរ និងសូមឧទ្ទិសដល់ដួងវិញ្ញាណក្ខន្ធមហាឧបាសិកា នេត សុគន្ធ បានទៅកាន់សុគតិភពកុំបីឃ្លៀងឃ្លាតឡើយ៕ #MLVT #HENGSour