柬埔寨商会主席陈丰明呼吁通过正规工作组解决商业难题

វីដេអូ៖ អ្នកឧកញ៉ា គិត ម៉េង បានអំពាវនាវដល់វិនិយោគិន និងពាណិជ្ជករទាំងអស់ ឱ្យលើកយកបញ្ហាប្រឈមនានាមកពិភាក្សា និងស្វែងរកដំណោះស្រាយតាមរយៈក្រុមការងារទាំង ១៦ ផ្នែកឯកជន ជំនួសឱ្យការពិភាក្សាក្រៅផ្លូវការ ដូចជា ការនិយាយតាមតុកាហ្វេ និងបង្ហោះតាម Facebook ដើម្បីធានាថាបញ្ហាទាំងនោះអាចត្រូវបានពិនិត្យ និងដោះស្រាយតាមយន្តការស្ថាបនា និងមានប្រសិទ្ធភាព។ ការអំពាវនាវបែបនេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា, ប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន និងជាប្រធានក្រុមប្រឹក្សាពិគ្រោះយោបល់អាស៊ានសម្រាប់កម្ពុជា ក្នុងឱកាសអញ្ជើញជាអធិប តី «ក្នុងវេទិកាធុរកិច្ច និងនវានុវត្តន៍២០២៦» ក្រោមប្រធានបទ៖ កាលានុវត្តភាពវិស័យនាំចេញ-នាំចូលរបស់កម្ពុជា ដែលរៀបចំដោយសភាពាណិជ្ជកម្មកម្ពុជា នារសៀលថ្ងៃទី២៦ ខែសីហា ឆ្នាំ២០២៦ នាមណ្ឌលសន្និបាត OCIC។