柬埔寨工程师委员会将除名伪造学历者 涉事人员学历被ITC证实

គណៈវិស្វករកម្ពុជានឹងរៀបចំនីតិវិធីច្បាប់ក្នុងការចេញសេចក្ដីសម្រេចលុបឈ្មោះ ណន សីហា ចេញពីបញ្ជីឈ្មោះវិស្វកររបស់គណៈវិស្វករកម្ពុជា។ នេះបើតាមលិខិតជូនដំណឹងចេញនៅថ្ងៃទី១៦ ខែមិថុនា ឆ្នាំ២០២៦។ ការសម្រេចដូច្នេះក្រោយវិទ្យាស្ថានបច្ចេកវិទ្យាកម្ពុជា បានប្រកាសមិនទទួលស្គាល់សញ្ញាបត្ររបស់ឈ្មោះ ណន សីហា ដែលបានយកមកប្រើប្រាស់ និងថាជាសញ្ញាបត្រក្លែងក្លាយ។ សូមជម្រាបថា វិទ្យាស្ថានបច្ចេកវិទ្យាកម្ពុជា(សាលាតិចណូ) បានចេញលិខិតបដិសេធនៅថ្ងៃទី១៦ ខែមិថុនា ឆ្នាំ២០២៦នេះថា មានការក្លែងបន្លំសញ្ញាបត្ររបស់វិទ្យាស្ថានបច្ចេកវិទ្យាកម្ពុជា ដោយមានឈ្មោះ ណន សីហា ភេទប្រុស កើតថ្ងៃទី០៣ ខែសីហា ឆ្នាំ១៩៩៣។ ដូច្នេះវិទ្យាស្ថានសូមបដិសេធមិនទទួលស្គាល់សញ្ញាបត្រដែលមានឈ្មោះនេះឡើយ និងសូមស្នើដល់អាជ្ញាធរមានសមត្ថកិច្ចពាក់ព័ន្ធ មេត្ដាជួយចាត់ការតាមផ្លូវច្បាប់៕ ============= [**👉Facebook**](https://www.facebook.com/vayofm)[** 👉Telegram**](https://t.me/vayofm)** **[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)