洪玛奈总理抵达越南开启正式访问行程

សម្ដេច ហ៊ុន ម៉ាណែត និងគណៈប្រតិភូជាន់ខ្ពស់នៃរាជរដ្ឋាភិបាលកម្ពុជាអញ្ជើញដល់វៀតណាមដោយសុវត្ថិភាព សម្ដេចធិបតី ហ៊ុន ម៉ាណែត ព្រមទាំងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានដឹកនាំគណៈប្រតិភូរាជរដ្ឋាភិបាលកម្ពុជាទៅដល់អាកាសយានដ្ឋានអន្តរជាតិណូយបាយ ទីក្រុងហាណូយ ប្រទេសវៀតណាម ដោយសុវត្ថិភាព នាព្រឹកថ្ងៃទី៨ ខែមិថុនា នេះ។ ដំណើរអញ្ជើញដល់របស់ប្រមុខរាជរដ្ឋាភិបាល និងគណៈប្រតិភូជាន់ខ្ពស់ ទទួលបានការស្វាគមន៍ពីសំណាក់ លោក ឡេ ម៉ាច់ ហ៊ុង រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម។