柬越两国深化经贸合作 双边贸易额目标定为200亿美元

[来源: 柬埔寨国家电视台] [分类提示: NEWS] 标题: កម្ពុជា-វៀតណាម ប្ដេជ្ញាពង្រឹងសាមគ្គីភាពជាប្រពៃណី និងជំរុញកិច្ចសហប្រតិបត្តិការសេដ្ឋកិច្ចឱ្យសម្រេចបាន ២០ពាន់លានដុល្លារ នៅវិមានរដ្ឋសភា ឯកឧត្ដមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា តំណាងដ៏ខ្ពង់ខ្ពស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នារសៀលថ្ងៃទី១៣ ខែឧសភា ឆ្នាំ២០២៦ បានអនុញ្ញាតឱ្យគណៈប្រតិភូជាន់ខ្ពស់នៃបក្សកុម្មុយនីស្តវៀតណាម ដឹកនាំដោយ ឯកឧត្ដម ទ្រិញ វ៉ាន់គៀត (Trịnh Văn Quyết) សមាជិកការិយាល័យនយោបាយ សមាជិកគណៈលេខាធិការមជ្ឈិមបក្ស និងជាប្រធានគណៈឃោសនាអប់រំ និងចលនាមហាជនមជ្ឈិមបក្សកុម្មុយនីស្តវៀតណាម ចូលជួបសម្ដែងការគួរសម និងពិភាក្សាការងារ ដើម្បីបន្តរឹតចំណង សាមគ្គីភាព មិត្តភាព និងកិច្ចសហប្រតិបត្តិការរវាងប្រទេសទាំងពីរឱ្យកាន់តែស៊ីជម្រៅ។ ក្នុងជំនួបប្រកបដោយបរិយាកាសស្និទ្ធស្នាលនេះ ឯកឧត្ដមកិត្តិសេដ្ឋាបណ្ឌិត ជាម យៀប បានសម្តែងការស្វាគមន៍យ៉ាងកក់ក្តៅនិងបានវាយតម្លៃខ្ពស់ចំពោះដំណើរទស្សនកិច្ចរបស់ គណៈប្រតិភូដែលឆ្លុះបញ្ចាំងពីអត្ថន័យយុទ្ធសាស្ត្រក្នុងការអនុវត្តតាមកិច្ចព្រមព្រៀងនៃថ្នាក់ដឹកនាំកំពូលនៃប្រទេសទាំងពីរ។ ឯកឧត្ដមបានគូសបញ្ជាក់ថា កម្ពុជានៅតែប្រកាន់ខ្ជាប់នូវស្មារតី «ភាពអ្នកជិតខាងល្អ សាមគ្គីភាព មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង» ដោយចាត់ទុកវៀតណាមជាសមាជិកគ្រួសារដ៏ជិតស្និទ្ធនិងជាដៃគូយុទ្ធសាស្ត្រដែលគួរឱ្យទុកចិត្តបំផុត។ ជាមួយគ្នានេះភាគីកម្ពុជាបានសម្តែងការកោតសរសើរចំពោះកំណើនសេដ្ឋកិច្ចដ៏រឹងមាំរបស់វៀតណាម និងគាំទ្រចក្ខុវិស័យឆ្នាំ២០៤៥ ក្នុងការក្លាយជាប្រទេសអភិវឌ្ឍន៍។ ពាក់ព័ន្ធនឹងវិស័យសេដ្ឋកិច្ចភាគីទាំងពីរបានប្ដេជ្ញាចិត្តរួមគ្នាក្នុងការពង្រីកទំហំពាណិជ្ជកម្មទ្វេភាគីឱ្យឈានដល់ ២០ ពាន់លានដុល្លារអាមេរិក នាពេលខាងមុខ តាមរយៈការជំរុញការ