德崇国际机场警察局启动2025年度内部审计工作

នាព្រឹកថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦នេះ ឯកឧត្តម ឧត្តមសេនីយ៍ឯក ឈិន សារី អគ្គនាយករង នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំបើកកិច្ចសវនកម្មផ្ទៃក្នុង សម្រាប់កាលបរិច្ឆេទ២០២៥ និងបណ្ដាឆ្នាំពាក់ព័ន្ធ នៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។ ដោយមានការអញ្ជើញចូលរួម ប្រតិភូអមនៃអគ្គនាយកដ្ឋានសវនកម្មផ្ទៃក្នុង លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ លោកនាយរងប៉ុស្តិ៍ ប្រធានក្រុមផ្តល់ទិដ្ឋាការ និងមន្ត្រីពាក់ព័ន្ធមួយចំនួនផងដែរ។ លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានមានប្រសាសន៍ថាក្នុងនាមជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ និងតំណាងឱ្យប្រធានក្រុមផ្តល់ទិដ្ឋាការ សូមសម្តែងការស្វាគមន៍យ៉ាងកក់ក្តៅ ចំពោះវត្តមានរបស់ ឯកឧត្តម ឧត្តមសេនីយ៍ឯក អគ្គនាយករង ជាគណៈអធិបតី និងប្រតិភូអមទាំងអស់ដែលបានអញ្ជើញចុះមកធ្វើកិច្ចសវនកម្មផ្ទៃក្នុង កាលបរិច្ឆេទឆ្នាំ២០២៥ និងបណ្តាឆ្នាំពាក់ព័ន្ធ នៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ នាពេលនេះ។ លោកឧត្តមសេនីយ៍ត្រី សុខ ធា ក្នុងនាមជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ រួមទាំងប្រធានក្រុមផ្តល់ទិដ្ឋាការ សូមធ្វើការសហការ សម្របសម្រួល និងផ្តល់រាល់ព័ត៌មាន ជូនសវនករ ចុះធ្វើសវនកម្ម កាលបរិច្ឆេទឆ្នាំ២០២៥ និង បណ្តាឆ្នាំពាក់ព័ន្ធ ជាមួយប្រតិភូនៃសវនកម្មផ្ទៃក្នុង ដែលបានចុះមកពេលនេះ ដើម្បីឲ្យអង្គភាពរបស់យើងទាំងអស់គ្នា អនុវត្តឲ្យសមស្របតាមគោលការណ៍ និង ការណែនាំរបស់ក្រសួងមហាផ្ទៃ ឈានទៅរកការអនុវត្តការងារប្រចាំថ្ងៃប្រកបដោយប្រសិទ្ធភាពខ្ពស់៕ ✅ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ☎️ទំនាក់ទំនង 0188200300 👉Telegram Chanel : https://t.me/kticheckpoint 🗺 ទីតាំង (Map) : https://maps.app.goo.gl/HWxU68PC8A1wvTsR7?g_st=ipc