国家就业局6月12日举办招聘会 提供3022个岗位

📣 ឱកាសការងារជាង ៣ ០០០ កន្លែង ក្នុងវេទិកាការងារ និងឱកាសកម្មសិក្សាការងាររបស់ទីភ្នាក់ងារជាតិមុខរបរ និងការងារ។ 👉 នៅថ្ងៃសុក្រ ទី១២ ខែមិថុនា ខាងមុខនេះទីភ្នាក់ងារជាតិមុខរបរ និងការងារនៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយ ស.ស.យ.ក វិស័យការងារសន្តិសុខសង្គម និងវិជ្ជាជីវៈ និងសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នឹងរៀបចំវេទិកាការងារ និងឱកាសកម្មសិក្សាការងារ ដោយនាំយកការងារចំនួន ៣ ០២២ កន្លែង សម្រាប់អ្នកកំពុងស្វែងរកការងារ និងកម្មសិក្សាការងារអាចដាក់ពាក្យ និងសម្ភាសន៍ភ្លាមៗជាមួយក្រុមហ៊ុនធំៗជាច្រើនដែលចូលរួមតាំងបង្ហាញដោយផ្ទាល់។ វេទិកាការងារនេះនឹងប្រព្រឹត្តនៅក្នុងបរិវេណសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច ចាប់ពីម៉ោង ៨:០០ព្រឹក រហូតដល់ម៉ោង ៤:០០ ល្ងាច។    👉យុវជន និងអ្នកកំពុងស្វែងរកការងារ ដែលចាប់អារម្មណ៍ចង់ដាក់ពាក្យស្នើសុំការងារជាមួយក្រុមហ៊ុននានា សូមទាក់ទងមក NEA តាមរយៈលេខ ០៧៧ ២៣២ ៣៧៨ និងតេលេក្រាម ០១៦ ៧៨៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕