卫生部在班迭棉吉及马德望开展心理支持培训

វគ្គបណ្តុះបណ្តាលគ្រូបង្គោលថ្នាក់ខេត្ត ស្តីពីការគាំទ្រចិត្តសង្គម ដល់មន្ត្រីសុខាភិបាលខេត្តបន្ទាយមានជ័យ និងខេត្តបាត់ដំបង —— ខេត្តសៀមរាប៖ ថ្ងៃទី២៤ ខែសីហា ឆ្នាំ២០២៦ ឯកឧត្តមឱសថការី ឈី ហុង រដ្ឋលេខាធិការក្រសួងសុខាភិបាល បានអញ្ជើញជាអធិបតីក្នុងពិធីបើក វគ្គបណ្តុះបណ្តាលស្តីពី ការគាំទ្រចិត្តសង្គម ដល់មន្ត្រីសុខាភិបាលខេត្តបន្ទាយមានជ័យ និងខេត្តបាត់ដំបង ដោយមានមន្ត្រីសុខាភិបាល ចូលរួមសរុប ៦៥រូប។ ក្នុងឱកាសនោះ ឯកឧត្តមរដ្ឋលេខាធិការ បានគូសបញ្ជាក់ពីសារៈសំខាន់នៃការពង្រឹងសមត្ថភាពមន្ត្រីសុខាភិបាល ក្នុងការផ្តល់ការគាំទ្រផ្លូវចិត្ត និងសង្គមប្រកបដោយគុណភាព។ ឯកឧត្តមក៏បានថ្លែងអំណរគុណយ៉ាងជ្រាលជ្រៅចំពោះអង្គការទស្សនៈពិភពលោកកម្ពុជា ដែលបានគាំទ្រការរៀបចំវគ្គបណ្តុះបណ្តាលនេះ ព្រមទាំងបញ្ជាក់ពីកិច្ចខិតខំប្រឹងប្រែង របស់នាយកដ្ឋានសុខភាពផ្លូវចិត្ត និងការបំពានគ្រឿងញៀន ក្នុងការពង្រីកការគ្របដណ្តប់សេវាសុខភាពផ្លូវចិត្តនៅតាមមូលដ្ឋានសុខាភិបាលសាធារណៈ ដើម្បីធានាឱ្យប្រជាពលរដ្ឋទទួលបានការថែទាំសុខភាពផ្លូវកាយ និងផ្លូវចិត្តប្រកបដោយសមធម៌។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)