泰国国防部计划增购护卫舰 应对海上安全挑战

ក្រសួងការពារជាតិថៃ ត្រៀមទិញនាវាចម្បាំង Frigate ២ គ្រឿងបន្ថែម ចំពេលមានភាពតានតឹងដែនសមុទ្រជាមួយកម្ពុជា បាងកក៖ រដ្ឋមន្ត្រីក្រសួងការពារជាតិថៃ លោក Adul Boonthamcharoen បានថ្លែងបញ្ជាក់នៅក្នុងបទសម្ភាសន៍នាព្រឹកថ្ងៃអង្គារ ទី១១ ខែសីហា ឆ្នាំ២០២៦ នេះថា កងទ័ពជើងទឹកថៃបានដាក់ចេញនូវលក្ខខណ្ឌ និងផែនការយុទ្ធសាស្ត្រចំនួន ៤ ចំណុច ដើម្បីពង្រឹងការត្រៀមលក្ខណៈក្នុងប្រតិបត្តិការសន្តិសុខលើផ្ទៃសមុទ្រ។ ផែនការយុទ្ធសាស្ត្រទាំង ៤ ចំណុចនោះ រួមមាន ការបំពាក់បំប៉នកម្លាំងប្រយុទ្ធ, ការលើកស្ទួយឧស្សាហកម្មការពារជាតិ, ការអភិវឌ្ឍសមត្ថភាពកងទ័ពដោយបច្ចេកវិទ្យាទំនើប និងការបង្កើនការយល់ដឹងអំពីស្ថានការណ៍លើផ្ទៃសមុទ្រ។ ជាមួយគ្នានេះដែរ រដ្ឋមន្ត្រីការពារជាតិថៃរូបនេះ បានសង្កត់ធ្ងន់ថា ស្របពេលដែលប្រទេសថៃកំពុងប្រឈមមុខនឹងបញ្ហាដែនសមុទ្រ និងតំបន់ទាមទារត្រួតស៊ីគ្នាជាមួយប្រទេសជិតខាង (កម្ពុជា) កងទ័ពជើងទឹកថៃនឹងបង្កើនកញ្ចប់ថវិកាយោធា ដើម្បីទិញនាវាចម្បាំងធុនធ្ងន់ប្រភេទ Frigate ចំនួន ២ គ្រឿងបន្ថែមទៀត ទៀត នៅក្នុងឆ្នាំ២០២៨ ខាងមុខ នេះបើយោងតាមសេចក្តីរាយការណ៍របស់ប្រភពព័ត៌មាន THE STANDARD៕ [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech) | [YouTube](https://www.youtube.com/@rumlech) | [Instagram](https://www.instagram.com/rumlech/) | [X](https://x.com/RumLech_News) | [Website](https://s-romlechnews.com.kh/)