蒙多基里省皮切达县道路与排水工程完成验收 助力农产品运输

[来源: 柬埔寨国家电视台] [分类提示: NEWS] 标题: គណៈកម្មការអន្តរក្រសួង ចុះត្រួតពិនិត្យ និងវាយតម្លៃបញ្ចប់សុពលភាព ១០០% លើគម្រោងជួសជុលផ្លូវ និងសាងសង់លូ ក្នុងស្រុកពេជ្រាដា ខេត្តមណ្ឌលគិរី ខេត្តមណ្ឌលគិរី ៖ នៅរសៀលថ្ងៃទី១៩ ខែមិថុនា ឆ្នាំ២០២៦ គណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដឹកនាំដោយ ឯកឧត្តម ជី ស៊ីថា រដ្ឋលេខាធិការក្រសួងអភិវឌ្ឍន៍ជនបទ បានអញ្ជើញចុះត្រួតពិនិត្យ និងវាយតម្លៃបញ្ចប់សុពលភាព ១០០% លើគម្រោងជួសជុលថែទាំផ្លូវជាលក្ខណៈខួប និងសាងសង់សំណង់សិល្បការ្យ ស្ថិតនៅក្នុងស្រុកពេជ្រាដា ខេត្តមណ្ឌលគិរី។ក្នុងដំណើរត្រួតពិនិត្យការងារខាងលើនេះ ក៏មានការចូលរួមពី លោក កឹង ឈាន អនុប្រធានមន្ទីរអភិវឌ្ឍន៍ជនបទខេត្តមណ្ឌលគិរី ព្រមទាំងមន្ត្រីបច្ចេកទេសពាក់ព័ន្ធជាច្រើនរូបទៀតផងដែរ។ ក្នុងឱកាសនោះ លោក កឹង ឈាន អនុប្រធានមន្ទីរអភិវឌ្ឍន៍ជនបទខេត្ត បានរាយការណ៍ជូនគណៈកម្មការអន្តរក្រសួងជ្រាបអំពីស្ថានភាពទូទៅនៃគម្រោង។ លោកបានបញ្ជាក់ថា បន្ទាប់ពីទទួលបានគោលការណ៍ឯកភាពពីក្រសួងអភិវឌ្ឍន៍ជនបទ មន្ទីរអភិវឌ្ឍន៍ជនបទខេត្តបានខិតខំអនុវត្តការងារនេះយ៉ាងយកចិត្តទុកដាក់ ដើម្បីជួយសម្រួលដល់ប្រជាពលរដ្ឋក្នុងមូលដ្ឋាន ឱ្យមានភាពងាយស្រួលក្នុងការធ្វើចរាចរណ៍ទៅមក និងការដឹកជញ្ជូនកសិផលផ្សេងៗមកកាន់ទីផ្សារ។ បន្ថែមពីនេះ គម្រោងនេះបានជួយសម្រួលដល់សិស្សានុសិស្សក្នុងការធ្វើដំណើរទៅសាលារៀន សម្រួលដល់ការដឹកជញ្ជូនអ្នកជំងឺទៅកាន់មណ្ឌលសុខភាពបានទាន់ពេលវេលា ចៀសវាងនូវគ្រោះថ្នាក់ផ្សេងៗនារដូវវស្សា ព្រមទាំងបង្កលក្ខណៈងាយស្រួលដល់ការផ្តល់សេវាកម្មនានា ដូចជា វិស័យអប់រំ សុខាភិបាល និងអនាម័យនៅក្នុងមូលដ្ឋាន។ បន្ទាប់ពីបានស្តាប់ការរាយការណ៍របស់តំណាងអ្នកទទួលការ និងមន្ត្រីគណៈកម្មការត្រួតពិនិត្យ ព្រមទាំងបានចុះពិនិត្យជាក់ស្តែងរួចមក គណៈប្រតិភូអន្តរក្រសួង រួមទាំងវិស្វករជាមន្ត្រីត្រួតពិនិត្យបច្ចេកទេ