柬埔寨国民议会全票通过兵役法草案 洪玛奈出席会议

សេចក្តីព្រាងច្បាប់ស្តីពី«កាតព្វកិច្ចយោធា»បានឆ្លងផុតរដ្ឋសភាហើយ! ============= សេចក្តីព្រាងច្បាប់ស្តីពី«កាតព្វកិច្ចយោធា» ត្រូវបានរដ្ឋសភាសម្រេចអនុម័តជាឯកច្ឆន្ទហើយ នៅក្នុងសម័យប្រជុំរដ្ឋសភា លើកទី៥ នីតិកាលទី៧ នាព្រឹកថ្ងៃទី១២ ខែឧសភា ឆ្នាំ២០២៦នេះ ដោយមានសំឡេងគាំទ្រ១១៤លើ១១៤សំឡេង។ អង្គប្រជុំនេះដឹកនាំដោយសម្ដេច ឃួន សុដារី ប្រធានរដ្ឋសភា ដោយមានការចូលរួមពីសមាជិក សមាជិការដ្ឋសភាចំនួន១១៤រូប និងមានវត្តមានចូលរួមពីសំណាក់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាផងដែរ។ មុនចូលដល់រដ្ឋសភា សេចក្ដីព្រាងច្បាប់នេះត្រូវបាន អនុម័តនៅក្នុងកិច្ចប្រជុំពេញអង្គគណៈរដ្ឋមន្ដ្រីកាលពីថ្ងៃទី២៣ ខែមេសា ឆ្នាំ២០២៦ ហើយត្រូវបានប្រកាសជាការប្រញាប់។ បន្ទាប់មកគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែននៃរដ្ឋសភា (គណៈកម្មការទី៤) ដឹកនាំដោយលោក កែប ជុតិមា ប្រធានគណៈកម្មការ ក៏បានបើកកិច្ចប្រជុំពិភាក្សាលម្អិត ជាមួយតំណាងរាជរដ្ឋាភិបាលដឹកនាំដោយលោក ទៀ សីហា រដ្ឋមន្ត្រីក្រសួងការពារជាតិ កាលពីព្រឹកថ្ងៃទី៤ ខែឧសភា ឆ្នាំ២០២៦។ ============= [🌐អានព័ត៌មាន ](https://vayofm.com/news/detail/143777-298.html) [**👉Facebook**](https://www.facebook.com/vayofm)[** 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [👉](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)