国际刑警组织认可柬埔寨打击网诈成果

នគរបាលព្រហ្មទណ្ឌអន្តរជាតិ (INTERPOL) ទទួលស្គាល់កិច្ចខិតខំប្រឹងប្រែងរបស់កម្ពុជា ក្នុងការប្រយុទ្ធប្រឆាំងនឹងឧក្រិដ្ឋកម្មឆបោកតាមប្រព័ន្ធបច្ចេកវិទ្យា (Online Scam) រហូតទទួលបានលទ្ធផលជោគជ័យគួរឱ្យកត់សម្គាល់។ INTERPOL ប្រកាសគាំទ្រជំហររបស់កម្ពុជា ក្នុងការបន្តបោសសម្អាតបទល្មើសនេះយ៉ាងសកម្ម ឆ្ពោះទៅកាត់ផ្ដាច់បណ្ដាញឆបោកឱ្យអស់ទាំងស្រុង។ នគរបាលអន្តរជាតិក៏បានសម្ដែងនូវសុទិដ្ឋិនិយមចំពោះ សន្និសីទអន្តរជាតិ ស្ដីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ICCOS) ដែលជាការផ្ដួចផ្ដើមរបស់កម្ពុជា ដោយសន្និសីទនេះបាននាំមកនូវវេទិកាពិភាក្សាដ៏មានសារសំខាន់ជាច្រើន។ ដោយឡែក INTERPOL មិនបានទាមទារ ឬដាក់សម្ពាធណាមួយឱ្យរាជរដ្ឋាភិបាលកម្ពុជាត្រូវទទួលខុសត្រូវ និងដោះស្រាយតែឯង ឬចាប់ខ្លួនបុគ្គលណាមួយដែលត្រូវបានគេសង្ស័យ និងចោទប្រកាន់ដោយគ្មានមូលហេតុ ឬភស្តុតាងជាក់ស្ដែងនោះឡើយ។