卫生部口腔健康会议 22人参会 筹备世界口腔健康日

កិច្ចប្រជុំពិគ្រោះយោបល់ និងពិនិត្យលើវឌ្ឍនភាពការងារលើកកម្ពស់សុខភាពមាត់ធ្មេញ នៃក្រសួងសុខាភិបាល។ — រាជធានីភ្នំពេញ៖ រសៀលថ្ងៃទី១១ ខែវិច្ឆិកា ឆ្នាំ២០២៦ ឯកឧត្តមទន្តបណ្ឌិត អឿន បូរារ័ត្នន៍ រដ្ឋលេខាធិការក្រសួងសុខាភិបាល និងជាប្រធានក្រុមការងារបច្ចេកទេសសុខភាពមាត់ធ្មេញ (Sub-Technical Working Group for Oral Health) បានដឹកនាំកិច្ចប្រជុំពិគ្រោះយោបល់ និងពិនិត្យវឌ្ឍនភាពការងារ នៅទីស្តីការក្រសួងសុខាភិបាល ដោយមានការចូលរួមពីតំណាងអង្គភាពជំនាញ ស្ថាប័នពាក់ព័ន្ធ គ្រឹះស្ថានបណ្តុះបណ្តាល និងអង្គការដៃគូ សរុបចំនួន ២២រូប។ កិច្ចប្រជុំបានផ្តោតលើរបៀបវារៈសំខាន់ៗចំនួន ៣ រួមមាន៖ ១.ការត្រៀមរៀបចំទិវាសុខភាពមាត់ធ្មេញពិភពលោក (World Oral Health Day) នៅកម្ពុជា សម្រាប់ឆ្នាំ២០២៧។ ២.ការជំរុញការគ្របដណ្តប់សុខភាពជាសកល (UHC) ផ្នែកសុខភាពមាត់ធ្មេញ ដោយតម្រង់ទិសជាសកល និងរៀបចំបង្កើតកញ្ចប់សេវាសុខភាពមាត់ធ្មេញចាំបាច់ (Oral Health UHC Benefit Package) ដើម្បីកាត់បន្ថយបន្ទុកចំណាយរបស់ប្រជាពលរដ្ឋ។ ៣.ការអភិវឌ្ឍ និងបណ្តុះបណ្តាលធនធានមនុស្សផ្នែកទន្តសាស្ត្រ ដើម្បីធានាបាននូវគុណភាព ប្រសិទ្ធភាព និងនិរន្តរភាពនៃសេវា។ ក្នុងឱកាសនេះ ឯកឧត្តមប្រធានអង្គប្រជុំ ក៏បានថ្លែងអំណរគុណ និងកោតសរសើរចំពោះកិច្ចខិតខំប្រឹងប្រែងរបស់មន្ត្រីគ្រប់លំដាប់ថ្នាក់ និងបានលើកទឹកចិត្ត ដល់គ្រប់ភាគីពាក់ព័ន្ធ ឱ្យបន្តពង្រឹងកិច្ចសហការកាន់តែជិតស្និទ្ធ ដើម្បីឈានទៅសម្រេចបាននូវគោលដៅ «សុខភាពមាត់ធ្មេញសម្រាប់ទាំងអស់គ្នា»។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)