柬埔寨青年联合会医疗联盟在实居省贡比西县开展大型免费义诊活动

ឧបនាយករដ្ឋមន្ត្រី ហ៊ុន ម៉ានី ចាត់បញ្ជូនសម្ព័ន្ធគ្រូពេទ្យស.ស.យ.ក ចុះពិនិត្យ និងព្យាបាលជំងឺដោតឥតគិតថ្លៃជូនប្រជាពលរដ្ឋនៅស្រុកគងពិសី 🙏❤️🙏 (កំពង់ស្ពឺ) នៅព្រឹកថ្ងៃអាទិត្យ ថ្ងៃទី២១ ខែមិថុនា ឆ្នាំ២០២៦នេះ សម្ព័ន្ធគ្រូ ពេទ្យសហ ភាព សហ ព័ន្ធ យុវ ជន កម្ពុជា (ស.គ.ស.ស.យ.ក) សរុប**ចំនួន១៨៨នាក់** ដឹកនាំដោយ ឯកឧត្តមបណ្ឌិត ហេង សុខគង់ សមាជិកអចិន្ត្រៃយ៍ នៃ គណៈ កម្មាធិការ កណ្តាល សហភាពសហព័ន្ធយុវជនកម្ពុជា(ស.ស.យ.ក.) និងជាប្រធានសម្ព័ន្ធគ្រូពេទ្យ ស.ស.យ.ក បាន ចុះ ទៅ ពិនិត្យ និងព្យាបាលជំងឺដោយឥតគិតថ្លៃជូនមន្ត្រីរាជការថ្នាក់ក្រោមជាតិ សិស្សានុសិស្ស ប្រជាពលរដ្ឋ និងកម្មករ កម្មការិនី នៅសាលាបឋមសិក្សាអង្គជុំ ស្ថិតក្នុងឃុំរកាកោះ ស្រុកគងពិសី ខេត្តកំពង់ស្ពឺ ។ កម្មវិធីនេះចូលរួមសហការដោយរដ្ឋបាលខេត្តកំពង់ស្ពឺ រដ្ឋបាលស្រុកគងពិសី ស.ស.យ.ក ស្រុកគងពិសី ក្រោមអធិបតីភាព ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងារចុះមូលដ្ឋានស្រុកគងពិសី តំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ ។ ក្នុងឱកាស នោះដែរក៏មានការចូលរួមពី ឯកឧត្តម សូ ឃុនវិរៈ អភិបាលរងខេត្ត និងជាតំណាងឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលឌេត្តកំពង់ស្ពឺ លោក ហន ពិសិដ្ឋ អភិបាលស្រុកគងពិសី ព្រមទាំងថ្នាក់ដឹកនាំក្រុមការងារ និងអាជ្ញាធរដែនដីជាច្រើនរូបផងដែរ ។ ការពិនិត្យ និងព្យាបាល ជំងឺ ក្នុង រយៈពេល០១ថ្ងៃនេះសរុបបាន **ចំនួន២,០៨៩ ករណីក្នុងនោះស្ត្រីចំនួន១,៣៨៦ករណី លើប្រភេទសេវាកម្មដូចជា ជំងឺទូទៅ ជំងឺមនុស្សចាស់ ជំងឺកុមារ ជំងឺមាត់ធ្មេញ ជំងឺភ្នែក ជំងឺត្រចៀក ច្រមុះ បំពង់ក រោគស្រ្តី និងពិនិត្យផ្ទៃពោះ ជំងឺសើរស្បែក និងកាមរោគ ពិនិត្យបឋម និងវាស់សំពាធឈាម ជំងឺទឹកនោមផ្អែម ជំងឺអង់ដូគ្រីន ជំងឺបេះដូង និងសរសៃឈាម ជំងឺវះកាត់តូច និងរោគសន្លាក់ អេកូសាស្ត្រ អេកូបេះដូង មន្ទីរពិសោធន៍ចល័ត ឱសថសាស្ត្រ និងអប់រំសុខភាពសាធារណៈ និងជំងឺមិនឆ្លង ។ ប្រជាពលរដ្ឋទាំងអស់បានថ្លែងអំណរគុណយ៉ាងជ្រាលជ្រៅចំពោះឧបនាយករដ្ឋមន្ត្រី ហ៊ុន ម៉ានី ដែលតែងគិតគូរពីសុខទុក្ខប្រជាពលរដ្ឋ ជាក់ស្តែងអ្នកស្រុកគងពិសី ក៏ដូចជាអ្នកកំពង់ស្ពឺទាំងមូល តែងតែទទួលបាននូវយកចិត្តទុកដាក់ក្នុងការចាត់បញ្ជូនក្រុមគ្រូពេទ្យជំនាញ និងឯកទេសមកពីមន្ទីរពេទ្យជាតិនានាតាមរយៈសម្ព័ន្ធគ្រូពេទ្យស.ស.យ.ក មកពិនិត្យ ព្យាបាលជំងឺដោតឥតគិតថ្លៃ និងចែកវ៉ែនតា ជូនមន្ត្រីរាជការ សិស្សានុសិស្ស ប្រជាពលរដ្ឋ និងបងប្អូនកម្មករ កម្មការិនី ជាបន្តបន្ទាប់ ។**