洪玛娜女士为在华治病的柬埔寨国王祈福

លោកជំទាវ ហ៊ុន ម៉ាណា ថ្វាយព្រះពរព្រះករុណាជាអម្ចាស់ជីវិតលើត្បូងសូមប្រកបដោយព្រះរាជសុខភាពល្អបរិបូរណ៍ លោកជំទាវ ហ៊ុន ម៉ាណា ក្រាបបង្គំទូលថ្វាយព្រះពរព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតក្នុងវេលាដែលព្រះអង្គកំពុងគង់ប្រថាប់ព្យាបាលព្រះរោគនៅមន្ទីរពេទ្យរដ្ឋធានីប៉េកាំង នៃសាធារណរដ្ឋប្រជាមានិតចិន។ លោកជំទាវ ហ៊ុន ម៉ាណា ថ្វាយព្រះពរព្រះមហាក្សត្រកម្ពុជា តាមរយៈបណ្តាញទំនាក់ទំនងសង្គមហ្វេសប៊ុកនារាត្រីថ្ងៃទី១៨ ខែមេសា ដូច្នេះ ៖[ខ្ញុំម្ចាស់សូមព្រះបរមរាជានុញ្ញាតលើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមតាមជួយបីបាច់ថែរក្សា ការពារ និងប្រោសប្រទានព្រះរាជសព្ទសាធុការពរ បវរសួស្តី ជ័យមង្គល វិបុលសុខ មហាប្រសើរថ្វាយព្រះករុណាជាអម្ចាស់ជីវិតលើត្បូងសូមប្រកបដោយព្រះរាជសុខភាពល្អបរិបូរណ៍ និងសូមព្រះអង្គទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។]។