金边Chornai餐厅因虚假宣传被勒令停业2个月

ហាង «ចរណៃ» ប្រកាសផ្អាកអាជីវកម្ម២ខែ ក្រោយ ក.ប.ប. រកឃើញការលក់ត្រីត្រោតជាត្រីសាម៉ុន ហាង «ចរណៃ» បានប្រកាសផ្អាកដំណើរការអាជីវកម្មជាបណ្តោះអាសន្នរយៈពេលយ៉ាងយូរ ២ខែ ដោយលើកឡើងថា ដើម្បីលក់បង្ហើយស្តុកទំនិញដែលនៅសល់ ផ្តល់ពេលវេលាឱ្យបុគ្គលិកស្វែងរកការងារថ្មី និងទុកឱកាសឱ្យម្ចាស់ទីតាំងជួលអាចស្វែងរកអ្នកជួលថ្មី។ ការប្រកាសនេះធ្វើឡើងបន្ទាប់ពីស្ថាប័ន ក.ប.ប. បានរកឃើញថា ហាង «ចរណៃ» ពិតជាបានលក់ត្រីត្រោត ដោយផ្សព្វផ្សាយថាជាត្រីសាម៉ុន ដែលអាចបង្កឱ្យអ្នកប្រើប្រាស់មានការភាន់ច្រឡំចំពោះប្រភេទផលិតផល។ ករណីនេះត្រូវបានចាត់ទុកថា ជាការមិនអនុលោមតាមច្បាប់ស្តីពីសុវត្ថិភាពម្ហូបអាហារ និងបទប្បញ្ញត្តិពាក់ព័ន្ធ ដើម្បីការពារផលប្រយោជន៍ និងសិទ្ធិរបស់អ្នកប្រើប្រាស់។