柬埔寨商会与反贪局签署备忘录打击索贿

មានមន្រ្តីខិលខូចមួយចំនួននៅតាមក្រសួង ស្ថាប័នរដ្ឋបាន“កៀបស៊ី”អ្នករកស៊ីស្របច្បាប់ក្នុងវិស័យឯកជន ដោយធ្វើឱ្យប៉ះពាល់ដល់បរិយាកាសធុរកិច្ចនៅកម្ពុជា។ ដោយហេតុនេះហើយបានជាសភាពាណិជ្ជកម្មកម្ពុជា និងអង្គភាពប្រឆាំងអំពើពុករលួយបានជួបពិភាក្សាគ្នា ហើយបានឈានដល់ការចុះហត្ថលេខាលើអនុស្សរណៈនៃការយោគយល់គ្នារវាងស្ថាប័នទាំងពីរ កាលពីចុងខែសីហា ឆ្នាំ២០២៦ ដើម្បីឱ្យមន្រ្តីខិលខូចគោរពច្បាប់ និងផ្តល់ទំនុកចិត្តដល់អ្នកជំនួញ។ នេះបើតាមប្រសាសន៍របស់អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា នៅក្នុងកិច្ចសម្ភាសផ្តាច់មុខជាមួយទូរទស្សន៍ CNC ដែលធ្វើទ្បើងដោយលោក ដួង សុខា។ អ្នកឧកញ៉ា លឹម ហេង បានអំពាវនាវដល់អាជីវករ ធុរជន ម្ចាស់ក្រុមហ៊ុន និងវិនិយោគិនបញ្ជូនពាក្យបណ្តឹងមកសភាពាណិជ្ជកម្មកម្ពុជា ដើម្បីបន្តប្រគល់ជូនអង្គភាពប្រឆាំងអំពើពុករលួយចាត់ការតាមផ្លូវច្បាប់។ #ExclusiveInterview