公务部启动公务员福利慰问项目 洪玛尼强调关怀基层

សុខទុក្ខមន្រ្តីត្រូវបានគិតគូរជាប្រចាំ នាព្រឹកថ្ងៃទី៤ ខែឧសភា ឆ្នាំ២០២៦ លោកជំទាវ ដៀប ចាន់សុភា អនុរដ្ឋលេខាធិការ និងជាប្រធានក្រុមការងារអនុវត្តគម្រោងសុខុមាលភាពមន្រ្តី នៃក្រសួងមុខងារសាធារណៈ រួមជាមួយក្រុមការងារ បានអញ្ជើញចុះសួរសុខទុក្ខ និងនាំយកអំណោយអនុស្សាវរីយ៍ ព្រមទាំងថវិកាឧបត្ថម្ភពីថ្នាក់ដឹកនាំ ជូនដល់ភរិយារបស់លោក នួន ប៊ុនណា មន្ត្រីនាយកដ្ឋានស្រាវជ្រាវ និងទំនាក់ទំនងអន្តរជាតិនៃសាលាភូមិន្ទរដ្ឋបាល ដែលទើបសម្រាលបុត្រ។ គម្រោងយកចិត្តទុកដាក់លើសុខុមាលភាពមន្រ្តីនេះ គឺជាគំនិតផ្តួចផ្តើមផ្ទាល់របស់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ដែលតែងតែផ្តល់អាទិភាពខ្ពស់ចំពោះសុខទុក្ខរបស់មន្រ្តីក្រោមឱវាទជាប្រចាំ។ ការយកចិត្តទុកដាក់នេះ ត្រូវបានអនុវត្តជាប្រចាំ តាមរយៈការចុះសួរសុខទុក្ខដោយផ្ទាល់ ឬចាត់តាំងតំណាង ដើម្បីនាំយកអំណោយ និងថវិកាឧបត្ថម្ភជូនដល់មន្រ្តីរាជការ នៅគ្រប់កម្រិត ដែលរួមបញ្ជូលទាំងករណីសម្រាកព្យាបាលជំងឺនៅមន្ទីរពេទ្យ សម្រាកលំហែមាតុភាព និងចូលរួមរំលែកទុក្ខករណីមរណភាពរបស់សាច់ញាតិក្រុមគ្រួសារជាដើម៕